𝗠𝗶𝗻𝗶𝘀𝘁𝗲𝗿 𝗥𝗼𝗱𝗲𝗿𝗶𝗰𝗸 𝗠𝗶𝗱𝗱𝗲𝗹𝗵𝗼𝗳, 𝗮 𝗮𝘀𝗶𝘀𝘁𝗶́ 𝗱𝗲𝗻 𝘂𝗻 𝗶𝗻𝘁𝗲𝗿𝗸𝗮𝗺𝗯𝗶𝗼 𝗶𝗻𝘁𝗲𝗿𝗲𝘀𝗮𝗻𝘁𝗲 𝘁𝗼𝗸𝗮𝗻𝘁𝗲𝗻𝘁𝗲 𝘂𝗻 𝗞𝗼̀𝗿𝘀𝗼𝘂 𝗺𝗼𝗱𝗲̀𝗿𝗻𝗼 𝗶 𝗶𝗻𝗼𝘃𝗮𝘁𝗶𝘃𝗼 𝗱𝗲𝗻 𝗳𝘂𝘁𝘂𝗿𝗼, 𝗸𝘂 𝗣𝗿𝗲𝘀𝗶𝗱𝗲𝗻𝘁𝗲 𝗠𝘂𝗻𝗱𝗶𝗮𝗹 𝗶 𝗵𝗼́𝗯𝗲𝗻𝗻𝗮𝗻 𝗹𝗼𝗸𝗮𝗹 𝗱𝗶 𝗝𝘂𝗻𝗶𝗼𝗿 𝗖𝗵𝗮𝗺𝗯𝗲𝗿 𝗜𝗻𝘁𝗲𝗿𝗻𝗮𝘁𝗶𝗼𝗻𝗮𝗹 (𝗝𝗖𝗜).

Durante bishita di Presidente Mundial di Junior Chamber International, Alejandra Castillo, na Kòrsou, JCI CLIC a trese un grupo selekto di hóbennan huntu pa un diálogo spesial tokante liderazgo, futuro di Kòrsou, desaroyo di talento i identidat. E tópiko di e enkuentro aki tabata: “𝗞𝗼̀𝗿𝘀𝗼𝘂 𝟮𝟬𝟰𝟬, 𝗺𝗼𝗱𝗲𝗿𝗻𝗼, 𝗸𝗼𝗺𝗽𝗲𝘁𝗶𝘁𝗶𝘃𝗼, 𝗽𝗲𝗿𝗼 𝘀𝗲𝗺𝗽𝗲𝗿 𝗞𝗼̀𝗿𝘀𝗼𝘂”. Minister Roderick Middelhof tambe a asistí e encuentro i partisipá den e interkambio ku e hóbennan.

E partisipantenan a kompartí nan ideanan dilanti pensando riba Kòrsou den 2040.

Kon nos por modernisá i kompetí ku mundu, sin pèrdè nos identidat? Kon nos por desaroyá nos talento lokal i konektá edukashon i formashon mihó ku loke nos merkado laboral ta pidi? I, mas importante ainda: kua ta e kosnan ku nos mester konservá pa Kòrsou sigui siendo Kòrsou, meskos ku nos ta progresá?

Ku hóbennan, liderazgo lokal i internashonal na mesun mesa, e enkuentro a mustra ku futuro di Kòrsou no ta solamente un pregunta di kresementu òf modernisashon. Ta un pregunta di ken nos ke bira e lidernan nobo, sin lubidá nos identidat i kultura.