Parlamento di Kòrsou a sera e aña Parlamentario 2025-2026.

Djaluna 7 di sèptèmber 2024, Parlamento di Kòrsou a bini huntu den un Reunion Públiko pa trata diferfente punto di agènda. Despues di a trata dokumentonan ku a drenta i a aprobá nótulo di diferente reunion, a sigui pa “Deliberashon enkuanto e posishon di Reino riba 25 di mart 2026 pa abstené di vota riba e resolushon di Nashonnan Uní tokante sklabitut”. Kada frakshon a hasi uso di e oportunidat pa ekspresá nan posishon riba e tópiko aki, den e úniko tanda di 10 minüt.

Na final di e punto di agenda, Parlamento a vota riba un moshon ku a keda aseptá ku voto pro i 0 vota kontra. Di e manera aki Parlamento di Kòrsou a tuma posishon riba e echo ku Reino Ulandes riba 25 di mart 2026 a abstené di vota riba e resolushon di Nashonnan Uní tokante sklabitut.

A kontinuá ku e último punto di agènda “Klousura di e aña parlamentario 2025-2026 di Parlamento di Kòrsou dor di Presidente di Parlamento”. Presidente di Parlamento sr. Fergino Brownbill, a duna un resúmen di kantidat di reunion a tuma lugá i e kantidat di moshonnan entregá i tratá. Alabes Presidente di Parlamento a duna rekuento di e aña Parlamentario den su konstelashon di un Parlamento nobo. Sr. Brownbill a klousurá e aña Parlamentario gradisiendo tur miembro di Parlamento, personal di grefi, miembronan di LBD i Prensa pa nan aporte na e totalidat.

Despues Presidente di Parlamento sr. Fergino Brownbill a sera e reunion.