MINISTERIO PUBLIKO BES TA INFORMA: Investigashon asesinato Jorditan Theodora

Investigashon asesinato Jorditan Theodora
Fiskal di Ministerio Publiko BES ta informá ku miembronan di KPCN a traha intensivamente awe riba e kaso di asesinato marduga den Kaya Korsou na Playa. E kaso a haña e nomber “Alapaha”.

Por konfirmá ku e viktima ta Jorditan Theodora. Relashoná ku e asesinato a hasi marduga i awe den dia un asina yama “buurtonderzoek” pa logra mas dato posibel di loke a pasa. Tin varios testigu ku ya kaba a duna nan deklarashon mientras ku tambe ta hasi uso pa e investigashon di varios imagen di camara ku a kapta e suseso.

E defuntu ta bai NFI na Ulabda pa un outopsia mas profundo. Ta hasi uso di servisio di NFI pa nan konosementu i e bon relashon ku tin ku nan ku KPCN i OM BES.

Mientrastantu KPCN i OM BES a forma un asina yama “Team Grootschalig Optreden” pa garantisa un investigashon mas afondo i amplio.