MINISTERIO PUBLIKO TA INFORMA
Info OM:
Otro siman, djamars 7, djárason 8 i djaweps 9 di mart 2017 ta bai tin 3 dia tras di otro di tratamentu di kasonan den tráfiko den Korte di Hustisia. Motibu pa 2 dia èkstra pa tratamentu den Korte ta pa trata spesífikamente kasonan di tráfiko ta pa logra tratamentu di hopi kaso ku ta pendiente pa keda tratá.
Ta bai trata otro siman 4 kaso di morto den tráfiko, un kaso di kore trai stur bou di influensia di alkohòl i 2 kaso di 2 persona ku a hasi trabou di taksista sin ku esaki ta den poseshon di e pèrmit nesesario konforme “Eilandsverordening Personenvervoer”
E aksidentenan ku morto ku ta bai ser tratá ta esun ku a tuma lugá dia 28 di òktober 2014 riba Cabo Verdeweg, dia 29 di desèmber 2015 riba Kaminda Hensley Meulens, dia 24 di aprel 2016 riba krusada Schottegatweg West i Bermudaweg, dia 4 di febrüari 2017 riba Weg naar Westpunt na altura di Gato.