MINISTERIO PUBLIKO TA INFORMA

Info OM:

Korte a sentensiá awe, djárason 1 di mart 2017, e hòmber K.A.S-J (Repúblika Dominikana, 1989) na un kastigu di prisòn di 42 luna di kual 12 luna kondishonal i 2 aña di prueba. Esaki pa poseshon dia 16 di novèmber 2016 di 11 kilo di kokaina ku e tabata tin den su outo i a keda hañá den baul di outo na momentu ku el a keda listrá na base Merikano FOL na Hato na una e tabata laborá. 

Intenshon di e sospechoso tabata pa e droga subi airopuerto pa sigui su rumbo pa Ulanda. E plan sinembargo no a sigui. El a laga e droga den e maleta den baul di outo na momentu ku el a keda gará na FOL durante un listramentu. Pa e trabou aki el a haña 8.100 florin, asina el a deklará den Korte djárason.
E demanda den e kaso aki di parti di Fiskal di Ministerio Públiko (OM) tabata 48 luna di prisòn.