Minister Koeiman ta firma aprobashon Deklarashon Polítiko i e Resolushonnan Atministrativo di OCTA pa 2017 – 2018 Kòrsou skohé pa e di tres aña konsekutivo komo miembro di e Komité Ehekutivo di OCTA

Minister Koeiman ta firma aprobashon Deklarashon Polítiko i e Resolushonnan Atministrativo di OCTA pa 2017 – 2018
Kòrsou skohé pa e di tres aña konsekutivo komo miembro di e Komité Ehekutivo di OCTA

WILLEMSTAD – Dia 23 di febrüari 2017 minister-presidente Hensley Koeiman a partisipá na e di 15 Konferensia Ministerial di Paisnan Ultra-mar di Union Europeo. Durante di e konferensia a aprobá e Deklarashon Polítiko i e Resolushonnan Atministrativo di OCTA pa e periodo 2017 – 2018. Den e Deklarashon Polítiko ta palabra e áreanan riba kual OCTA lo buska sosten di Komishon Europeo pa e aña benidero. E Resolushonnan Atministrativo ta inkluí entre otro e desishonnan en torno di e maneho di OCTA, entre kual resultado di e elekshon pa e direktiva diario di e asosashon. Kòrsou a ser skohe pa e di tres aña konsekutivo komo miembro di e Komité Ehekutivo di OCTA (e direktiva diario).