KIKO TA PASANDO

E uniko kaminda ku bo ta haña tur informashon kompletamente gratis. Klik anto lesa. Manda tur loke bo ke pa wordu publika i invitashon pa kubri rueda di prensa na e Email: kikotapasando@outlook.com

NOTISIA

Ministerio Publiko ta infroma

​Info OM:

E dia habri di awe, djaweps 2 di mart di findishi riba tereno di Marina Real na Baai Macola, a surpasá tur espektativa. 

Mas ku 450 interesado a akudi djaweps pa wak e merkansia ku ta na benta. 

E interes pa boto luhoso, boto piskado i motosaikel tabata hopi mas grandi kompara ku e interes pa outo i truk. 

Djarason a akudi 400 hende i djaweps mas ku 450 hende. E interes ta opviamente hopi grandi.

Notabel ta ku hopi hende a kuminsa bied kaba riba e website 

https://bva-auctions.com/auction/index/23297  

Via e website por mira e interes grandi di suidadanonan lokal i internashonal tin pa kumpra un outo, boto, motosaikel of skuter ku durante ultimo tempu a keda konfiska pa polis KPC i Afpakteam.

Pa por partisipa na e findishi ta nesesario pa registra prome riba e website. E montantenan riba e website ta na dollar.

E findishi ta sera diaweps 9 di mart 18:30 or. Esun ku a bied mas haltu ta haña notifikashon online ku e a kumpra e artikulo. Pago tin ku tuma luga via di banko.

Tuma nota ku NO tin mas dia habrí pa wak e artikulonan na benta. Awor por mira e artikulonan solamente via di e website !

639114718427035"
639114718427035"