Promé enkuesta nashonal riba kondishonnan laboral na Kòrsou

optima

Promé enkuesta nashonal riba kondishonnan laboral na Kòrsou

Willemstad – Optima ta e di dos organisashon ku ta brinda servisio di inspekshon riba kondishonnan laboral (“Arbodienst”) na Kòrsou. Den kuadro di selebrashon di su promé lustro, Optima a laga hasi un estudio na nivel nashonal, riba kondishonnan laboral na Kòrsou.

Optima a keda establesé na 2010, pero a bira operashonal riba 1 di mart 2012. A lanta Optima ku e meta pa optimalisá kondishonnan l Durante e añanan ku ta tras di lomba, Optima a akumulá eksperensia amplio riba tereno di kondishonnan laboral, deseo- i nesesidatnan di e dunadó di trabou, e trahadó i tambe sindikatonan. E eksperensia akumulá aki a revelá un otro nesesidat: e nesesidat pa informashon i konsientisashon, ku mira riba prevenshon. Pa hopi aña Kòrsou a konsentrá riba

represhon, esta, atendé ku e problema ora e presentá. Por ehèmpel: hasi un inspekshon di kondishonnan laboral ora ya kaba tin kehonan físiko, atendé ku intimidashon seksual ora tin prueba ku esaki ta tumando lugá òf traha riba un maneho pa atendé ku apsentismo na momentu ku e sifranan di AO bira alarmante. Sin embargo, poko biaha dunadónan di trabou ta aktua di forma preventivo i esaki no ta konta solamente pa empresanan chikitu, pero tambe pa empresanan grandi.

Despues di a konkluí ku tin nesesidat pa duna mas kontenido na e aspekto preventivo, Optima a disidí di no laga esaki solamente na un konklushon. Direktor di Optima, señor Arthur Nivillac, ta splika: “Nos a bin realisá ku nunka tabatin investigashon na nivel nashonal riba kondishonnan di trabou i a disidí di sigui Ulanda su ehèmpel den esaki, koordinando un enkuesta nashonal riba kondishonnan laboral. Danki na kooperashon di vários organisashon ku a yena e enkuesta aki, dia 29 di mart awor, nos por presentá parti di e resultadonan”.

E enkuesta a kontené preguntanan riba e siguiente áreanan: kondishon laboral (“arbeidsomstandigheden”), relashon laboral (“arbeidsverhoudingen”), kontenido di trabou (“arbeidsinhoud”) i demanda den relashon ku disponibilidat di trabou (“arbeidsvoorzieningen”). Na Ulanda un di e resultadonan di e enkuesta di 2016 tabata ku preshon di trabou ta muchu haltu. Basá riba e enkuesta nashonal aki e Ministerio di Asuntunan Sosial i di Labor ulandes ta traha riba maneho, pues un tipo di investigashon asina tin un balor agregá sumamente haltu pa e sektor gubernamental, enkargá ku legislashon, inspekshon i sanshon, pero tambe pa dunadónan di trabou i sindikalismo.

Dia 29 di mart próksimo, Optima lo presentá parti di resultadonan di e investigashon, komo regalo pa e komunidat di Kòrsou ku a mira Optima krese durante e 5 añanan ku a pasa. Optima ta sirbi e merkadonan di Kòrsou, Boneiru, Aruba i Sürnam i ta gradisí tur su klientenan ku a risibí i rekomendá su servisionan ku hopi konfiansa. Optima lo sigui invertí den informashon i konsientisashon, ku mira riba prevenshon. E enkuesta nashonal ta representá e promé paso den esaki.

arthur-nivillac

This site uses Akismet to reduce spam. Learn how your comment data is processed.

error: Content is protected !!
%d bloggers like this: