INFORMASHON /  NOTISIA KOMPLETAMENTE ROBES KU TA SIRKULANDO

TIN MEDIO DI KOMUNIKASHON PAROTIN SIN BASE I KU KE TA PROME DEN NOTISIA. SIN KU NAN TA KONFIRMA E NOTISIA. 
Pa tur ku a risibi e notisia ku ta aparese aki bou nos ta informa boso ku e notisia no ta kuadra ku realidat. Tende bon kuenta serka ken boso ta risibi boso notisianan.

“Breaking news”: Kabinete di Gobernador a bisa ku e dekreto aproba den Staten ayera pa anula elekshon pa dia 28 di april 2017 ta nulo. Ku esaki Kabinete di Gobernador ta pone un banda tur intento pa para elekshon. Tambe Kabinete di Gobernador no a aksepta e di dos moshon di deskonfiansa kontra di Minister Di Ekonomia Rhuggenaath y Di VVRP Römer. Anto e chens ta grandi ku Kabinete Interino lo no hanja chens di sinta.

E notisia aki no ta kuadra ku realidat. 

Mesora Direktorado di Komunikashon a reakshon ku e mensahe aki:

Bon nochi.

Tin un app ku ta bai ront ku informashon ku ta bisa ku supuestamente a sali di parti e Gabinete di Gobernado. Debi ku nos ta keda aserka i ta puntra ku ta nos a saka e informashon aki, nos ke informa boso ku Direktorado di Komunikashon i Informashon ta e ofisina ku ta esun enkarga pa saka TUR KOMUNIKADO di parti Gabinete di Gobernado. Tanten ku boso no a risibi nada di nos banda esaki ta nifika ku nos no a risibi nada tampoko ofisialmente tampoko di parti e Gabinete di Gobernado. Pues e app ei i/of informashon no ta sali for di nos direktorado. Un felis anochi.

KIKO TA PASANDO TEI PA INFOMA BO KOREKTAMENTE I DEN BO PLANTI MAN.