Minister Presidènt Hensley Koeiman; “Muhé meresé apresio i rèspèt, no humiashon”

Minister Presidènt Hensley Koeiman; “Muhé meresé apresio i rèspèt, no humiashon”

WILLEMSTAD – “Pa siglonan poetanan a skibi riba e ser muhé. Kompositornan a dediká letranan bunita na muhé. Ppintornan a dibuhá kuadronan maravioso di e hende muhé. Eeskultornan a krea figuranan eksótiko di e ser muhé. Kada bes di nobo nan kada un ta realisá ku ta imposibel pa kapta nan grandesa nan ta ser opstakulisá pa nan finesa i noblesa, pero mas ainda di blèndu pa nan beyesa.”

“Muhé, ta mas bunita ku tur flor. Mas dushi ku tur chukulati. Mas presioso ku tur prenda. Mas balioso ku tur propiedat.
Ta p’esei ta difísil, duru i doloroso pa realisá kon tin ku ta agredí i lastimá un ser tan speshal, pero pió ainda ta, pa sa ku tin ku ke bagatelisá e akto inkreibel, reprochabel i askeroso.”

“Kreador sigur no a diseñá un kurpa atraktivo, un kútis suave, sensitivo i sensibel pa ser maltratá. Un hòmbu, ta protehá i kuida su señora pasobra e ta kulto i ta respetá e ser muhé.”

“No mester akseptá niun zundra, pasobra despues ta sigui agreshon físiko komo ante sala pa gòlpi i maltrato. Produkto di kompleho i un poder sin base.”

“Ta basta! No mas abusu di e hende muhé. Mester bin un paro, awor! Mama i tata, eduká bo yu p’e ta un bendishon pa su komunidat. Komunidat no por tapa kara pa su responsabilidat. Protekshon i hustisia p’e hende muhé, ta nos tur su kousa.”

“Pabien na tur hende muhé awe riba ‘Dia di hende Muhé’.”Mensahe di Minister Presidènt Hensley Koeiman.

This site uses Akismet to reduce spam. Learn how your comment data is processed.

error: Content is protected !!
%d bloggers like this: