‘EDUKÁ TA MAS KU SOLAMENTE KONDISHONAMENTU DI KOMPORTASHON’ – ‘OPVOEDEN IS MEER DAN ALLEEN HET CONDITIONEREN VAN GEDRAG’

‘EDUKÁ TA MAS KU SOLAMENTE KONDISHONAMENTU DI KOMPORTASHON’

Kralendijk – Dia 7 i 8 di mart último un konferensia tokante edukashon a tuma lugá na Boneiru. Aña pasá nan a organisá un konferensia similar na Aruba. E konferensianan aki ta yuda konektá profeshonalnan di tur isla ku otro. Tambe nan ta yuda alkansá logronan importante riba tereno di mehorashon di e situashon di derechonan di mucha riba nos islanan.

Dia 8 di mart diputado Nina den Heyer durante e konferensia aki a indiká ku eduká ta mas ku solamente kondishonamentu di komportashon. Mutuamente edukadornan tin nan mes norma- i balornan, no opstante e lugá di biba ku nan ta kompartí. Pa motibu di e diferensia den norma- i balornan e diputado ta haña ku ta di importansia pa yega na un vishon pedagógiko kompartí pa kada isla.

Mas aleu e diputado ta di akuerdo ku e palabranan di e profesor den pedagogia Micha de Winter: ‘Ora di edukashon ta trata di materia mas kompliká. Ta trata di formashon di personalidat. E búskeda pa e identidat propio. E búskeda pa e nifikashon di eksistensia i pa e lugá den su kultura i sosiedat.’ Tur hende ku ta enbolbí den edukashon di mucha no solamente ta influensiá e chènsnan i siklo di bida di nos muchanan. Nan tin alabes influensia riba e futuro kalidat i mentalidat di nos komunidat.

Diputado den Heyer a finalisá su diskurso ku 3 lès ku ela siña den su ròl komo mama i komo diputado:
1. Sea konsiente ku 24/7 nan ta tene bo na bista. Bo tin un funshon di ehèmpel.
2. Bisa loke bo ta hasi i hasi loke bo ta bisa.
3. No ta bai pa kantidat, pero pa kalidat.

‘OPVOEDEN IS MEER DAN ALLEEN HET CONDITIONEREN VAN GEDRAG’

Kralendijk – Afgelopen 7 en 8 maart vond op Bonaire de opvoedconferentie plaats. Vorig jaar werd een soortgelijke conferentie georganiseerd op Aruba. Deze conferenties helpen professionals op alle eilanden aan elkaar te verbinden. Tevens helpen zij om mijlpalen te bereiken in het verbeteren van de kinderrechtensituatie op de eilanden.

Gedeputeerde Nina den Heyer heeft op 8 maart op deze conferentie aangegeven dat opvoeden meer is dan alleen het conditioneren van gedrag. Opvoeders hebben onderling hun eigen normen en waarden ondanks hun gedeelde woonplaats. Vanwege de verschillen in normen en waarden vindt de gedeputeerde het van belang om per eiland tot een gedeelde pedagogische visie te komen.

Zij is het verder eens met de woorden van Micha de Winter, hoogleraar pedagogiek: “Bij opvoeden gaat het om complexere materie. Het gaat om de vorming van de persoonlijkheid. De zoektocht naar de eigen identiteit. Naar de betekenis van het bestaan en naar de plek in zijn cultuur en maatschappij.” Iedereen die betrokken is bij de opvoeding van kinderen beïnvloedt niet alleen de kansen en levensloop van deze kinderen. Zij hebben tevens invloed op de toekomstige kwaliteit en mentaliteit van onze samenleving.

Gedeputeerde den Heyer sloot haar toespraak af met 3 lessen die zij geleerd heeft in haar rol als moeder en als gedeputeerde:
1. Wees ervan bewust dat je 24/7 in de gaten wordt gehouden. Je hebt een voorbeeldfunctie.
2. Zeg wat je doet en doe wat je zegt.
3. Het gaat niet om de kwantiteit, maar om de kwaliteit.