Hubentut Fortuna a titulá kampion di e torneo di 5 vs 5 di Kampionato di Dama! Miéntras Subt 2 a resultá e ekipo sup kampion di e torneo aki!
Hubentut Fortuna a titulá kampion di e torneo di 5 vs 5 di Kampionato di Dama!
Miéntras Subt 2 a resultá e ekipo sup kampion di e torneo aki!
Ayera, djadumingu 12 di mart, na tereno di FFK a tuma lugá e partidonan final di torneo pa ‘warm up’ 5 vs 5 di Kampionato di Dama. E partido final tabata entre e ekipo di Hubentut Fortuna 1 i Subt 2. Hubentut Fortuna 1 a golia Subt 2 i a gana ku e skor di 6-0, p’asina titulá kampion di e torneo aki lagando Subt 2 komo e ekipo sup kampion. Mesun pareu a tuma lugá e partido pa determiná e terser i di 4 puesto. Aki nan Subt 3 a gana Willemstad 1 ku e skor pèrtá di 3-2. E públiko presente por a disfrutá di tremendo partidonan di futbòl di nos damanan i a presensiá algun wega hopi emoshonante durante e gran final aki.
E meta di e torneo di ‘warm up’ aki ta pa stimulá e desaroyo di futbòl di dama. Den luna di aprel lo tin e Kampionato pa Dama di 7 vs7 i den ougùstùs lo tin e kampionato di 11 vs 11. Tur e diferente torneonan aki ta forma parti di e preparashon pa e diferente selekshonnan ku lo bai representá nos den eskterior durante e aña aki. Nos selekshon di dama senior lo biaha den luna di mei, e U-20 lo representá nos na luna di yüli, esun di U-17 lo a den luna di ougùstùs miéntras e U-13 lo biaha den luna di òktober 2017. Pues e aña aki nos dama nan lo bai represntá nos den diferente kategoria i den diferente kampionato internashonal.
Resultadonan di partidonan anterior :
Hub. Fortuna 1 vs Vesta 1 4-1
Subt 3 vs Subt 2 2-1
Hub. Fortuna 2 vs Vesta 2 3-1
Willemstad 2 vs Willemstad 1 1-3
Vesta 1 vs Willemstad 2 3-1
Subt 3 vs Hub. Fortuna 1 0-3
Hub. Fortuna 2 vs Subt 1 3-1
Vesta 2 vs Willemstad 1 0-7
Willemstad 2 vs Vesta 2 4-0
Hub. Fortuna 1 vs Subt 2 0-1
Willemstad 1 vs Subt 1 2-0
Vesta 1 vs Hub. Fortuna 2 1-0
Resultado partido pa terser i di 4 puesto:
Djadumingu 12 mart 17 17.00 Willemstad 1 vs Subt 3
2-3
Resultado Gran Final:
Djadumingu 12 mart 17
17.00 Hub. Fortuna 1 vs Subt 2
6-0
FFK kier a felisitá no solamente e ekipo kampion i sup kampion si no tur e 9 ekiponan aki ku a hasi e kampionato aki unu eksitoso!
Willemstad 1; Di 4 puesto torneo 5vs5
