LOVERS SU “TUMBA” A TRESE SONRISA TUR KAMINDA Un kampaña eksitoso i alegre…

LOVERS SU “TUMBA” A TRESE SONRISA TUR KAMINDA Un kampaña eksitoso i alegre…

Willemstad, CURAÇAO, 15 di mart 2017– Lovers, Loke a kuminsá komo un gesto noble di parti di gerensia di Lovers a bira un kampaña sumamente éksitoso ku a generá hopi alegria rònt Kòrsou. “Tumba” ku ta forma parti di e “Ice Cream Concert Line” di Lovers a oumentá na popularidat den apénas un luna. 10.000 Tumba a bai rònt Kòrsou den temporada di Karnaval pa institutonan di kuido di mucha, klientenan di Totolika, SGR Group, skolnan, Biblioteka Nashonal Kòrsou i gruponan ku ta yuda muchanan despues di skol.
Trahadónan di Lovers a sera kabes i a sera un lista di no ménos ku 125 instansha rònt Kòrsou i a yama nan pa bin buska kahanan di Tumba. “E reakshon tabata mas grandi ku nos mes a pensa. Dado momentu un boka tabata bisa otro i promé ku nos mes a realisá ‘Tumbanan’ tabata sali for di frizer i drenta outonan manera pan kayente”,asina un miembro di e tim di Merkadeo a splika.
Sabornan di awa i di lechi a kai na smak no solamente serka e muchanan pero serka lidernan tambe. E kombinashon di potrèt ta papia pa su mes.
…10.000 sonrisa den un evento noble ku a generá alegria rònt Kòrsou serka grandi i chikí…..