Teksto skirbí pa Hensley Koeiman riba e situashon di Odio i Venganza
Rabia i su konsekuensia
Kaminda rabia haña vitamina
Odio ta krese i bona
Vengansa ta haña poder
i amor ta disminuí
Kaminda rabia desaroyá
Alegria ta agotá
Vishon ta bira vago
Sintimentu ta evaporá
Kaminda rabia penetrá
Bo ser ta sufri
Bo oura ta blikia
i bo wowonan ta dòf
Kaminda rabia ankra
Kompashon ta drumi
Pashon ta skonde
i orashon ta pèrdè forsa
Kaminda rabia ta
Abo no por ta
Pasobra abo ta amor
Abo ta komprens
Kaminda rabia entregá
Abo ta rebibá i lusi
Abo por ta bo mes
Abogado di pas i amor
Hensley F. Koeiman