Tres di e sinku personanan ku a yuda e señora sali for di e kas na kandela riba Montezumaweg
Tres di e sinku personanan ku a yuda e señora sali for di e kas na kandela riba Montezumaweg,
Djasabra 31aug 2019 ora 10.25 pm a surgi un kandela den un kas di tabla riba Montezumaweg, algun bisiña atento a bati alarma i a kue direkshon di e kas. Na nan yegada a kuminsa yama e habitantenan den e kas ku ta un señora i un kabayero. E personanan ku a sali pa yuda e pareha aki a bati i yama rond di e kas pa alerta e hendenan den e kas ku e kas ta na kandela, dado momentu a disidi di kibra un bentana di kamber i e señora a aparese den e huma pretu ku a podera su mes di e kas. A yuda e señora pa pasa over dor di e bentana bini pafo dor ku e bentana tabata por lo menos 2.5 meter for di suela, kemen mester e yuda karga e señora saka afo. Dos di e sinku personanan a puntra e señora unda bo kasa ta?
E señora a señala den kas dor ku e señora no por a papia pa motibu ku ela guli hopi huma.
Mesora e dos personanan aki a kue un pipa basta formal i kuminsa purba na kibra e porta pa purba saka e kasa for di e kas, pero komo e huma i e kandela tabata asina intenso a yega e mometu pa tuma e desishon pa bandonan e esfuerso pa basha e porta abou. Polis i bomberonan a yega basta lihe, pero mester a hala tur hende for di den serkania di e kas paso e intensidat di e huma i kandela a bira inmenso. Tambe e wayanan di koriente a kuminsa chispa kandela den laira i pa nan no mester a kai riba hende a sera e aria pa bomberonan por a hasi nan trabou.
Tabata reina un tenshon na e sitio di e suseso paso no tabata sigur di e paradero di e kabayero, pero mas den lat ora ku a logra domina e kandela i tuma nota di e tristu i lamentabel notisia ku e kabayero Franklin Alberto Gosepa, nase na Kòrsou dia 6 di ougùstùs 1946 fayese pa motibu di e kandela ku a kima e kas.
Nomber di e personanan riba potret di robes bai drechi:
Regis Leonora (na blou kla)
sra ta Mercedes Gosepa de Acosta ku a wordu salba (na pretu ku blanku)
Eligio (Tiko) Renita (na kora)
Orlando Molina (na Blanku)
Ahinda falta riba e potret aki
Bryan Adamus (Realbra)
Eduard Lourens (DITO)