KIKO TA PASANDO

E uniko kaminda ku bo ta haña tur informashon kompletamente gratis. Klik anto lesa. Manda tur loke bo ke pa wordu publika i invitashon pa kubri rueda di prensa na e Email: kikotapasando@outlook.com

NOTISIA POLISIAL

ORANJESTAD ARUBA RAPORT DI POLIS 20032017

INTENTO DI  KIEBRO.
SCP a dirigí patruya  na e adrès Pos  Abou, en konekshon ku un intento di kiebro.
Na e sitio, polis a papia ku e hòmber Richardson, kende a deklará na polis, ku su bisiña a mira kon un hòmber tabata purba na kibra e porta prinsipal di e apartamentu di su yu muhé.
E bisiña  a mira ku e hòmber tabatin un Tshirt hel i un spòrtbrúk bèrdè bistí.
Dicho hòmber tabatin un baiskel.
Polis a bai kontrolá e apartamentu.
Aki polis a mira ku e slan di e silender di gas, tabata kòrtá.
Polis a tuma datonan i despues lo tuma kontakto telefóniko ku e doño di e apartamentu, pa puntr’é, si e ke hasi denunsia.
Polis a buska den bisendario pa mira si ta haña e sospechoso, pero no a topa ku n’e.
CP a keda poné na altura di e kaso.
============================
         MALETA SOSPECHOSO.
CP a dirigí patruya na altura di Island Finance na Emansstraat pa un kaso kaminda lo tabatin un maleta sospechoso riba parkér plats dilanti di Island Finance.
Na e sitio, polis a topa ku un maleta bieu.
Den dje polis a bin haña ku algun komestibel i paña bieu.
Probablemente esaki lo ta maleta di un vagabundo.
Polis a hiba e maleta warda.
CP a wòrdu poné na altura di e kaso.
============================
                  DESTRUKSHON.
Patruya a wòrdu dirigí na Noord Cura Cabay, unda un destrukshon lo a kaba di tuma lugá.
Na e sitio, polis a topa ku e dama J, kende a deklará ku alrededor di 8:30, e tabata bou di douche i el a skucha ku e alarma di su outo a aktivá.
Alrededor di 8:45, el a bai pafó, pa mira ta kiko a pasa.
El a deklará ku el a wak rònt den e outo pero no a nota nada partikular.
Ora ku el a sera e porta, e glas di e porta parti patras a basha bou.
Polisnan a konstatá ku tabatin trabounan tumando lugá, banda di e kas.
Polisnan a bai papia ku esun responsabel,G, pa poné na altura di e suseso.
El a deklará na polis ku e lo para responsabel i  lo paga pa e daño.
Polisnan a pone e dama J na altura ku e hòmber lo kubri e gastu.
Ambos  partido a bai di akuerdo ku e areglo.
SCP a wòrdu poné na altura di e kaso.
============================

639114718427035"
639114718427035"