Alerta pa enkuentro di benta di produktonan via internèt.

KOMUNIKADO DI PRENSA 086 / 2021
28 febrüari 2021
Alerta pa enkuentro di benta di produktonan via internèt.
Departamentu di Komunikashon i Prevenshon

KUERPO POLISIAL KÒRSOU SIRBI I PROTEHÁ

Últimamente Kuerpo Polisial ta risibiendo diferente keho, di siudadanonan ku a bira víktima,
despues ku nan a pone un produkto riba internèt pa bende.
Den diferente di e kasonan aki ta trata di telefònnan selular, pero tin otro artíkulonan
tambe, ku kua e fenómeno aki ta tuma lugá.
Na momentu ku e bendedó di e produkto palabrá ku e kliente un lugá di enkuentro pa asina
ei e kliente por wak e produkto di aserka, e último aki ta kore bai ku e produkto aki sin paga.
P’esei polis ke atvertí tur siudadano ku ta traha sita ku klientenan pa por mustra bibu e loke
ku nan a eksponé pa benta riba internèt, pa hasi esaki na un lugá sigur i si por, bai kompañá
ku mas persona.