Minister demisionario Koeiman ta realisá akshon simbóliko pa re-ounudá trabounan na kompleho deportivo na Barber FDDK ta firma kontrato ku un grupo di hóben ku a terminá nan estudio di ‘sport management’

Minister demisionario Koeiman ta realisá akshon simbóliko pa re-ounudá trabounan na kompleho deportivo na Barber
FDDK ta firma kontrato ku un grupo di hóben ku a terminá nan estudio di ‘sport management’

WILLEMSTAD – Djaweps mainta 23 di mart 2017, Minister demisionario Hensley Koeiman a a realisá un akto simbóliko pa re-ounudá trabounan pa finalisá e kompleho deportivo na Barber. Tantu Minister Koeiman, komo Thakai Doran, direktor di Fundashon Pa Desaroyo Deportivo (FDDK) ámbos a mustra nan satisfakshon ku e trabounan por a re-ounudá na e kompleho deportivo na Barber sperando ku riba término korto e por ta den uso kompletu.
Durante e enkuentro di e mainta aki na Barber, FDDK a firma un kontrato di trabou ku un grupo di hóben ku a terminá nan estudio di Sport Management. E grupo aki sigur lo ta un balor agregá pa FDDK por ehersé su tarea i responsabilidatnan riba tereno di deporte.
Koeiman a probechá pasa hasi un bishita di kortesia na Kolegio San José na Barber, área kaminda el a lanta komo mucha i skol ku el a bishitá.