MINISTERIO PUBLIKO TA INFORMA 

Info OM:
E siman benidero tin vários kaso interesante ku Ministerio Públiko (OM) ta bai hiba Korte pa tratamentu. Notabel ta e kantidat relativamente haltu di kaso relashoná ku poseshon di arma di kandela.

Djaluna 27 di mart 2017 Korte ta bai trata riba petishon di OM personanan ku a hasi nan mes kulpabel na hechosnan kastigabel durante temporada ultimo di karnaval. Ta trata di detenshonnan ku a kai den kuadro di e akshon “Aktua Robes, Sinty’e Un Bes”. Djaluna ta trata kaso kontra 5 persona pa entre otro poseshon di droga i arma di kandela.

Djárason 29 di mart ta trata un kaso kontra e sospechoso E.C. (1981) di Venezuela, pero bibá na Korsou ku dia 23 di novèmber 2016 a keda detené ku den su poseshon hopi munishon i 6 arma di kandela, entre nan dos (2) Glock, un Pietro Beretta i un shotgun un M16

Djabièrnè 30 di mart 2017 ta bai trata un kaso kontra dos ruman B.Y. i L.Y. ku dia 13 di sèptèmber 2016 a keda detené ku 180 kilo di kokaina, 113 kilo di mariwana, hopi munishon i 7 arma di kandela. Entre nan 6 Glock i 1 rifel.