Pronóstiko di tempu pa Kòrsou i bisindario bálido te djaweps mainta 6:00 o.l., 30 di mart 2017.

Pronóstiko
Pronóstiko di tempu pa Kòrsou i bisindario bálido te djaweps mainta 6:00 o.l., 30 di mart 2017.
Kompilá: Djárason 29 di mart 2017, 05:00 o.l. (09:00 UTC)
Tempu: Por lo general parsialmente nublá i no ta antisipá áwaseru signifikante. Durante di djaweps tin lévemente un mihó posibilidat pa awa kai.
Temperatura máksimo lo alkansá 31ºC i temperatura mínimo 25ºC.
Solo ta sali 06:34 i ta baha 18:47 o.l.
Bientu: For di direkshon ost i moderá te; forsa 3 te 4 (12 te 30 km/ora, 7 te 16 nudo). Okashonalmente ráfaga te posiblemente basta fuerte; forsa 5 ( 31 te 39 km/ora, 17 te 21 nudo). E fluho di bientu ta bai oumenta poulatinamente durante e siguiente dianan.
Situashon general: No ta premirá muchu kambio den e patronchi di tempu. Nubianan lo sigui oumenta okashonalmente, pero si awa mester kai mes, esaki lo ta di poko importansha. Di otro un banda, un sistema di preshon haltu ta avansá for di nort i esaki lo kondusí gradualmente na un forsa di bientu mas fuerte.

Kondishon di laman: Trankil te moderá ku altura di olanan te mas o ménos 1 meter (3 pia).
Fenómeno spesial: Ningun
Perspektiva te djabièrnè mainta: Parsialmente nublá ku chèns pa un òf mas áwaseru. 
Meteorólogo: Coffie
E próksimo boletin di tempu lo wòrdu publiká djárason 11:00 o.l. (15:00 UTC). 

This site uses Akismet to reduce spam. Learn how your comment data is processed.

%d bloggers like this: