REUNION PÚBLIKO DI 28 DI MART 2017
REUNION PÚBLIKO DI 28 DI MART 2017
MOSHON
KONSIDERANDO KU:
1. E ordenansa di lei ‘Kiesreglement’ (A.B. 2010 no. 87) ta stipulá na artikulo 38 insiso 1 ku e urnanan ta ser establese pa medio di dekreto;
2. Na 2012 a establese 106 urna pa medio di un dekreto;
3. Den e elekshon di 2016 tabatin 107 Urna;
4. No ta sigur ku e di 107 urna a ser establese pa medio di un dekreto;
5. E ordenansa di lei ‘Kiesreglement’ ta stipula na artikulo 38 insiso 2 ku e kantidat di votante pa urna ta 1500 max.;
6. Na aña 2016 urna nr 43, 69, 72, 88, i 91 a surpasa e kantidat ku e ordenansa di lei ‘kiesreglement’ ta stipulá den artikulo 33 insiso 2;
7. Artikulo 51 insiso 2 (a,b,c,d,e,f,g.) ta stipulá den detaye e kriterionan ku e “stembussen” mester kumpli ku ne;
8. A ser konstata ku den diferente elekshon a husa kaha di karton i ku esaki ta kontra nos ordenansa di lei ‘Kiesreglement’;
9. E uso di kaha di karton ta vulnerable pa froude i no ta garantisá e seguridat di e elektorado su voto;
10. Artikulo 52 di e ordenansa di lei ‘kiesreglement’ ta stipulá ku pa kada 300 votante mester tin un “stemhokje”.
11. Den e elekshon di 2016 varios ta e urnanan ku no a kumpli ku lokual ta stipulá den lei.
PARLAMENTO DI KÒRSOU TA DISIDÍ:
1. Pa urgi Gobiernu, en todo kaso, Minister di Bestuur Planning i Dienstverlening pa hasi tur ehersisio nesesario den e kuadro di nos leinan vigente pa e Kiesreglement ser respeta i aplika esaki manera mester ta;
2. Pa informa Parlamento den korto tempu e resultado di minister su intervenshon den esaki, pa asina kumpli ku lei.
TA PASA PA ORDEN DE DIA

