𝗣𝗿𝗼𝗺é 𝗠𝗶𝗻𝗶𝘀𝘁𝗲𝗿 𝗣𝗶𝘀𝗮𝘀 𝘁𝗮 𝗱𝗲𝗹𝗶𝗯𝗲𝗿á 𝗸𝘂 𝗹𝗶𝗱𝗲𝗿𝗮𝘁𝗼 𝗺𝗶𝗹𝗶𝘁𝗮𝗿 𝗱𝗶 𝗥𝗲𝗶𝗻𝗼 𝗿𝗶𝗯𝗮 𝘀𝗲𝗴𝘂𝗿𝗶𝗱𝗮𝘁 𝗶 𝗸𝗼𝗽𝗲𝗿𝗮𝘀𝗵𝗼𝗻

Throwback Thursday | Un bista bèk riba un diálogo di gran importansia pa seguridat di Kòrsou

Seguridat di nos pais ta un tema ku ta eksigí atenshon kontinuo, diálogo i bon koperashon. Den e kuadro aki, awe nos ta para ketu na un enkuentro importante ku a tuma lugá siman pasá.

Djaweps 5 di novèmber 2026 Promé Minister Gilmar Pisas a reuní ku Commandant der Strijdkrachten, general Onno Eichelsheim, i Commandant van de Koninklijke Marechaussee, teniente-general Roger Costongs. Durante e enkuentro, nan a deliberá riba desaroyonan geopolítiko, seguridat i koperashon ku Kòrsou.

Tambe a trata e desaroyonan den region, entre otro esnan relashoná ku Venezuela i Merka, komo tambe e situashon na Europa i Medio Oriente. Ademas, a papia tokante koperashon ku paisnan manera Colombia i e posibilidatnan pa amplia e koperashon aki.

Un otro punto importante di deliberashon tabata e invershonnan ku Ministerio di Defensa tin plan di hasi na Kòrsou den e próksimo añanan. Esakinan ta inkluí modernisashon di ekipo, medionan di vigilansia i botonan di patruya, ku e meta di fortalesé kontrol di frontera i e lucha kontra kontrabanda di droga.

Promé Minister Pisas, general Eichelsheim i teniente-general Costongs a enfatisá e importansia di un bon koperashon entre Defensa, Koninklijke Marechaussee i Gobièrnu di Kòrsou. Nan a reafirmá nan disposishon pa sigui traha huntu na fortalesementu di seguridat di Kòrsou i di region.