Kico Neumonia ta y su impacto?

Neumonia ta un infeccion respiratorio agudo causa pa virus, bacteria of fungi cu ta haci e saconan di aire (alveoli) den pulmon yena cu pus y likido. Esaki ta causa inflamacion, falta di oxigeno y dificultad pa hala rosea. Segun Nacionnan Uni (UN), e ta ocasiona morto di mas di 800 mil mucha bou di 5 aña cada aña (15% di tur morto infantil), un cifra mas halto cu AIDS, sarampi y malaria hunto.

Sintomanan principal:

• Tos fuerte cu slijm di color.
• Keintura halto y calafriu.
• Dificultad pa hala rosea y dolor den pecho ora di tosa of hala rosea profundo.
• Cansancio extremo y falta di forsa.

Medidanan di prevencion (Recomendacion di WHO):

• Inmunisacion y Vacunacion: Vacuna contra Hib, neumococos, sarampi, tosferina y griep (specialmente pa grupo di riesgo).
• Nutricion y Lactancia: Fomenta alimentacion exclusivo cu lech’i pecho den e prome 6 luna di bida pa fortalece e defensanan natural y mantene un dieta saludabel.
• Higiena y Ambiente: Laba man regularmente cu awa y habon, mantene un higiena correcto den hogar y evita huma di tabaco of contaminacion ambiental.
• Estilo di Bida y Cuido: Drumi suficiente, evita contacto directo cu hende malo (tapa boca ora di tosa) y garantisa acceso na atencion medico frecuente.

Cuidando e salud di nos pulmonnan, nos ta sigura un rosea sigur y trankil pa nos comunidad!