Danki na kurashi di sr. Eugene Ruggenaath Insel Air tiki tiki ta saliendo for di intensive care.

Danki na kurashi di sr. Eugene Ruggenaath Insel Air tiki tiki ta saliendo for di intensive care.

Willemstad- Ya pa simannan kaba nos por tende diferente rumor i akusashon falsu den direkshon di sr. Eugene Rhuggenaath, komo sifuera e hóben polítiko i aktual lider di PAR a hasi algu robes di sali i buska forma di salba Insel Air ku na fin di aña 2016 tabata kabes abou rumbo pa bati bankarota. Diferente lider polítiko dia den dia afó ta purba manipulá opinion públiko i akusá sr. Rhuggenaath di a hòrta 33 mion florin di e pueblo i hink’e den Insel Air anto hasi manera deliberadamente sr. Rhuggenaath a sòru pa hende ku tabata traha na Insel Air pèrdè trabou.
Ta mas ku opvio ku e lidernan polítiko aki, ku awe ta enkabesá e grupo di 12 den parlamento, no ta papia bèrdat i ta buska tur forma na mancha e bon nòmber di sr. Rhuggenaath. Pero esun ku sa sa, i esun ku sa ta komprondé ku si sr. Rhuggenaath komo minister di desaroyo ekonómiko lo no a bai di akuerdo ku un fiansa pa Insel Air, eksigí kambio den mando di e kompania i kuminsá un trayekto di reskate di Insel Air, tur 600 trahadó di Insel Air lo a pèrdè trabou i lo mester a bai kas. Es mas, Kòrsou por gran parti lo a keda sin konektividat aéreo i e impakto riba ekonomia di Kòrsou lo tabata 10 biaha mas tantu ku e 33 mion florin ku gobièrnu, ku aprobashon di parlamento kompleto, a pone disponibel den forma di fiansa pa salba Insel Air.
Awe despues di kasi tres luna nos por yega na e konklushon ku tiki tiki Insel Air ta saliendo for di intensive care. Di e 33 mion florin ku gobièrnu a pone disponibel, ya un total di 25 mion florin a bai den reskate di e kompania unda prinsipalmente gastunan operashonal, manera pago di salarionan di personal, a wòrdu kubrí. Esaki sigur den kuminsamentu pa a yuda e kompania keda na bida. Mester keda vigilá i keda alerta paso aki aya ainda tin sierto riesgo pa e kompania, pero tur kos ta mustra den e direkshon ku e kompania a stabilisá sufisiente i ku apoyo di tur enbolbí (kompanianan lokal, internashonal i gobièrnunan di e paisnan den Reino) e kompania lo rekuperá pa definitivamente sali for di intensive care. Es mas, ku e restrukturashon di Insel Air bou di maneho nobo i e ‘turnaround plan ’ di e kompania kasi kla, e kompania Avianca ya a mustra interes di bira un partner stratégiko pa Insel Air. Muestra di esaki ta un ‘Letter of Intent ’ ku sr. Rhuggenaath, despues di un trayekto di preparashon, a firma ku doño di Avianca nèt promé ku sr. Rhuggenaath a baha komo minister di Asuntunan Ekonómiko.

This site uses Akismet to reduce spam. Learn how your comment data is processed.

error: Content is protected !!
%d bloggers like this: