PAR: sra. Marilyn Alcalá-Wallé -gerensia di Insel Air i tambe presensia di komishon fiansa na komishon sentral 30 di mart 2017

Na : Presidente di Parlamento di Curaçao
Sr. Amerigo Thode
Wilhelminaplein # 4
Curaçao.

Tópiko: presensia di gerensia di Insel Air i tambe presensia di komishon fiansa na Insel Air pa komishon sentral pa djaweps 30 mart 2017.

Willemstad, 29 mart 2017

Sr. Presidente,

Suskritonan a risibí un konvokashon pa un reunion di Komishon Sentral pa djaweps 30 mart 2017 pa 10’ or a.m. pa tene un oudiensia ku delegashon di ex-empleadonan di Insel Air enkuanto nan situashon despues di retiro na Insel Air.

Frakshon di PAR en konekshon ku e reunion menshoná ta solisitá alabes presensia di e Gerensia di Insel Air i tambe presensia di e Komishon ku a rekomendá pa duna un fiansa na Insel Air pa garantisá konektividat i alabes evitá ku tantu Insel Air lo a sera su portanan for di 2016 kaminda tur empleado direkto i esnan indirekto lo a pèrdè trabou.

E echo ku Parlamento ku sosten general a bai di akuerdo via di un moshon dia 15 desèmber 2016 pa sostené kompania pa garantisá konektividat, ta mustra riba e importansia pa komunidat ta informá kon e fiansa ku ta wòrdu duná den tramo periódiko, ta wòrdu inbertí den e kompania, su trahadónan i e konektividat.

Atentamente,
Drs. Marilyn Alcalá-Wallé
Dhr. Curtley Obispo
Dhr. Stephen Walroud