KOMUNIKADO DI KUERPO POLISIAL KÒRSOU Un detenshon pa ladronisia

KOMUNIKADO DI KUERPO POLISIAL KÒRSOU
105 / 2017
4 aprel 2017
Un detenshon pa ladronisia
Departamentu di Komunikashon i Prevenshon
KUERPO POLISIAL KÒRSOU SIRBI I PROTEHÁ


Polis a detené un hòmber sospechoso pa ladronisia, esaki despues ku el a hòrta un telefòn selular den un negoshi riba F.D. Rooseveltweg.

Djamars 4 di aprel 2017 alrededor di 19.10 or, Sentral di Polis a dirigí un patruya na un negoshi riba F.D. Rooseveltweg pa un kaso di ladronisia. For di un investigashon ku e agentenan a realisá na e sitio, a resultá ku un hòmber a bai den e negoshi pa kumpra un bateria nobo di telefòn. A resultá ku e telefòn a keda hòrta dia 28 di desèmber 2016 durante un kiebro den e negoshi, di kual tin denunsia entregá. Polis a konfiská e telefòn i a detené e sospechoso maskulino pa ladronisia. Ta trata di:  J.A.S.F. nasé na Sto. Domingo di 31 aña di edat. E sospechoso a keda presentá dilanti di un fiskal ouksiliar pa mas investigashon

Advertisements

This site uses Akismet to reduce spam. Learn how your comment data is processed.

error: Content is protected !!
%d bloggers like this: