(Video & Potret) Detenshon relashoná ku intento di asesinato, destrukshon i maltrato ku arma.

 

KOMUNIKADO DI PRENSA 218/2023.
11 mei 2023.

Detenshon relashoná ku intento di asesinato, destrukshon i maltrato ku arma.

Departamentu di Komunikashon i Prevenshon
KUERPO POLISIAL KÒRSOU SIRBI I PROTEHÁ

Kontinuando ku e investigashon relashoná ku un kaso di intento di asesinato, destrukshon i
maltrato ku arma ku a tuma lugá dia 8 di mei 2023 na altura di un Krèsh den
Zadelboomstraat, polis a hasi detenshon.

Djaweps 11 di mei 2023, alrededor di 10.10’or di mainta riba òrdu di fiskal di Ministerio
Públiko a detené e hòmber sospechoso R.R.M., nasé na Kòrsou di 48 aña di edat, relashoná
ku e kaso ariba menshoná.

Detenshon di e hòmber sospechoso a tuma lugá na warda di reshèrshi.
A presentá e sospechoso dilanti di un fiskal ouksiliar ku a ordená su enkarselamentu
pendiente di mas investigashon.