KOMUNIKADO DI KUERPO POLISIAL KÒRSOU Kontròl di tráfiko

KOMUNIKADO DI KUERPO POLISIAL KÒRSOU
209 / 2017
15 yüni 2017
Kontròl di tráfiko
Departamentu di Komunikashon i Prevenshon
KUERPO POLISIAL KÒRSOU SIRBI I PROTEHÁ
Djaweps 15 di yüni 2017, personal di Warda di Polis Montagne konhuntamente ku HITeam
a tene kontròl di tráfiko riba Kaya Pita, Kaya Tuna, Kaya Mikea i Schottegatweg Zuid/Kaya
C.Winkel. E kontròl nan aki a tuma lugá entre 06.45 or pa 12.00 or.
Polis a partí un total di 78 prosèsverbal pa e siguiente infrakshonnan kometé:
Kore outo sin faha di seguridat bistí 16
Pasa den lus kòrá 13
Kore outo sin reibeweis bálido 10
Kore outo sin seguro bálido 5
Glas skur 4
Kore outo sin number di outo pagá 2
Kore outo sin karchi di kùr bálido 6
Kore outo den direkshon prohibí 21
Kore outo kontra direkshon indiká 1
Durante di e kontròl aki polis a konfiská 1 vehíkulo, kual a keda transportá ku kran pa Kurá.
E kontròlnan aki ta kontinuá.