PAR ta propone Gobiernu pa institui in komishon Solushon Kontratistanan di DOK.

PAR ta propone Gobiernu pa institui in komishon Solushon Kontratistanan di DOK.

Willemstad- djamars ultimo kontratistanan a asisti na un oudensia na parlamento den kua nan a elabora riba diferetnte punto di preokupashon awor ku DOK a bai fayit di forma kontrola.

Miembronan di partido PAR den un komishon sentral a skucha e dolornan ku kontratistanan ta enfrenta awor ku e partner strategiko DAMEN a tuma over e trabounan di DOK i nan a risibi solamente 50% di loke DOK tabata debenan.
Posishon di e kontratistanan ta ku nan a yuda tur tempu pa DOK por a sobrebibí i ku gobièrnu tin ku rekonosé e ròl aki i pèrkurá awor pa nan haña e otro 50%. Segun e kontratistanan esaki a wòrdu primintí na nan dor di e último gerensia di DOK promé ku nan a duna nan koperashon pa manda DOK fayit.
Via di un karta dirigí na e minister aktual di desaroyo ekonómiko di e gobièrnu interino, lider di frakshon di PAR den parlamento a hasi minister di desaroyo ekonómiko e petishon pa lanta un komishon yamá ‘Solushon pa kontratistanan di DOK’ pa di e forma aki duna inisio na un posibel solushon pa e situashon pèrta ku e kontratistanan ta aden awor aki.

Di e forma aki partido PAR ta saka un man pa e kontratistanan di DOK, ku te dia djawe ta representá un kantidat respetá di trahadó ku tabata laborá na DOK i den futuro lo laborá na Damen. Esaki den kuadro di e mesun liña ku eks- minister sr. Eugene Rhuggenaath komo minister di Desaroyo Ekonómiko i responsabel pa DOK a kana for di fin di aña 2015, unda na un manera diligente i responsabel a sa di yega na un partner stratégiko ku DOK i evitá ku tur trabou di e astiyero para ketu. Hustamente pa esei frakshon di PAR ta keda mustra ariba ku maske kiko kontrinkantenan polítiko hasi, e ta keda komo un echo riba mesa ku si EugeneRhuggenaath no a hasi nada i sinta ku man krusá manera otro ministernan a hasi for di 2010 bin ariba, awe ni trahadónan di DOK ni kontratista lo a haña nada i DOK lo a bai fayit sin niun hende risibí un sèn pretu. Awe danki na esfuersonan dirigí di Eugene Rhuggenaath trahadónan di DOK a keda na trabou bou di DAMEN i a yega na un solushon ku kontratistanan a haña parti di nan sèn. E próksimo stap awor ta pa via di e komishon ku PAR ta proponé na minister, yega na un solushon duradero, pa meskos ku DOK awor e kontratistanan tambe haña un solushon pa sobrebibí i kontinuá ku nan trabou.

Stephen Walroud

This site uses Akismet to reduce spam. Learn how your comment data is processed.

Contact us



Connecting...
created by TelegramWordpress.com
error: Content is protected !!
%d bloggers like this: