Kuerpo Polisial Aruba 5 April 2017
PÈRSONANAN DESKONOSÍ
Riba 5 di Aprel 2017, SCP a dirigí patruya na Sabana Basora, pa pèrsona deskonosí den e kas.
Na e sitio, polisnan a konstatá ku e porta di kurá tabata habrí.
Polisnan a kana rònt di e kas i a bati na porta dilanti i bentana, pa mira si tin hende na kas.
Despues di mas o menos 15 minüt, un hoben a sali na porta dilanti .
El a deklará na polis ku el a skucha ku tabatin deskonosínan den e kas.
El a skucha 3 pèrsona ku ta papia papiamentu, kanando rònt den e kas.
El a deklará ku deskonosínan a fòrsa e porta di su kamber pa por drenta, pero ku el a blòkia esaki.
Despues el a skucha ku e deskonosínan tabata purba fòrsa porta di e kamber di su wela, pero ku esaki no a logra.
Ademas el a deklará ku nan a paga tur lus den e kas.
I pa e motibu aki, el a yama polis.
Mas aleu el a sigui deklará ku tur kos a keda intakto i ku nan lo
no a bai ku nada.
Polisnan a instrui’é pa sera tur pirta bon na yabi i si akaso e sinti falta di algu, pa e pasa na warda pa hasi denunsia di robo.
SCP a wòrdu pon’é na altura di e kaso.
============================
ROBO
Riba 5 di Aprel 2017, SCP a dirigí patruya na Amistad pa un kaso di robo.
Na e sitio, polisnan a papia ku e habitante di e adrès menshoná, kende a deklará na polis ku alrededor di 08:00, ora ku e tabata bayendo trabou, el a sera su kas na yabi i a lagu’é intakto atras.
Mas aleu el a deklará ku alrededor di 12:30, ora ku el a bolbe kas, el a konstatá ku e porta parti patras di su kas tabata tur fòrsá i habrí.
Nan a ròmel den e kambernan, sala i kushina.
Tabatin 2 televishon poné kantu di e porta kaminda e deskonosínan a drenta .
Patras den e kurá tabatin partinan di televishon bentá abou.
Despues un bisiña a bai kontrolá e imáhennan di e kamara i a mira kon 2 deskonosí ta sali bai for di e porta dilanti.
Un di e deskonosínan tabata delegá i e otro tabata korpulento.
Probablemente deskonosínan a fòrsa e porta patras i a bai ku diferente artíkulo.
E kaso ta den mas investigashon.
============================