KOMUNIKADO DI KUERPO POLISIA ARUBA 8 APRIL 2017

KIEBRO DEN OUTO.
SCP  a dirigí patruya na zandplein, na parti suit di Cas Casuela en konekshon ku un kaso di kiebro.
Na e sitio, polis a papia ku un dama, kende a deklará ku riba 8 di aprel 2017, el a stashoná su outo, un Toyota Mark X, kolor shinishi riba Zandplein, n’e parti nort di Al Jazar Trading N.V.
El a laga su outo intakto i na òrdu atras.
Riba e mes un dia, alrededor di 04:00, el a regresá su outo.
Aki el a mira ku deskonosínan a destruí e glas di e porta dilanti na e banda robes.
Deskonosínan  a buska den e outo.
I ora e ku el a kontrolá, el a mira ku su pòtmòni konteniendo un pas di banko CMB, un reibeweis Arubano i su pasport Ulandes, a wòrdu hòrtá.
A tuma denunsia na e sitio tokante kiebro den outo i a pone CP na altura di e kaso.
============================
  PÈRSONANAN TA SKUCHA TIRU
CP a dirigí patruya na Riberostraat i den area di Ling’s Restaurant, unda ku lo a skucha tiru.
Na kaminda a drenra informashon ku na altura di Semeleerstraat i Monserat, tambe tirunan a keda skuchâ.
Polisnan a kontrolá den e area. Pero no a topa ningun partikularidat.
Otro patruya a papia ku un testigu den bisendario, kende a deklará ku un djíp lo tabatin problema di “backfire” i a kore pasa den Semeleerstraat.
CP a wòrdu poné na altura di e kaso.
============================
PÈRSONA DEN  PELIGER.
SCP a dirigí patruya na Zepp Lampestraat pa un pèrsona ku lo tabata den peliger.
Na e sitio, polis a papia ku e habitante, kende a deklará ku un dama lo tabata gritando pa yudansa.
Dor di esaki otro bisiñanan a bai pa yudele.
Na yegada di polis e dama i e bisiñanan ya no tabatei.
Polis a bin topa ku nan den Vondelaan, kantu di kaminda.
E dama a konta polis ku e tabata kanando den Zepp Lampestraat, ora ku diripiente un hòmber deskonosí p’e, tabata kana bin den su direkshon
El a pensa ku e hòmber  aki lo tabata bai hòrt’é i ta pesey el a kuminsa grita pa yudansa.
E hòmber deskonosí aki a kana bai.
Polis a bai buska den e area, pero no a topa kun’é.
Polisnan a tuma datonan.
CP a wòrdu poné na altura di e kaso.
============================
        VIGILANTENAN TA WÒRDU MENASÁ.
Supervisor di High Rise Hotel a yama warda di polis i a duna informashon tokante di un outo ku lo tabatin 4 hoben aden, humando marihuana riba e lugar pa stashoná outo.
Vigilantenan a bai papia ku nan.
Nan a bira ònbeskòp i a menasá e vigilantenan ku nan lo regresá pa regla kuenta ku nan.
E marka di e outo tabata un Toyota Yaris di kolor blanku.
E kaso ta den mas investigashon.
============================
       INTENTO DI LADRONISIA.
Riba djasabra  8 di Aprel 2017, alrededor di 23:50, a yega na warda di polis, e hòmber P, pa hasi denunsia di un intento di ladronisia di un vehíkulo.
El a deklará ku alrededor di 23:00, ora ku el a kaba di traha na Dunkin Donuts, situá na L G Smith Boulevard, e  tabata kanando bai direkshon di su vehíkulo ku tabata stashoná parti
patras den e lugar pa stashoná.
Ora ku el a yega mas serka, el a mira un hòmber deskonosí sintá riba su  motorsaikel. I tabatin un otro hòmber pará banda di dj’e.
Un kolega di P a grita e 2 hòmbernan. E hòmbernan a kore bai.
P a yega na su motorsaikel i a ripará ku e slòt di e stürwil tabata destruí.
Tabata visto ku e 2 hòmbernan tabata purba na bai ku e vehíkulo.
Un di e sospechosonan tabatin kolor di kueru bruin i tabata kompletamente na pretu bistí
E otro sosoechoso tabatin un Tshirt kòrá bistí.
Polisnan di warda di anochi lo kore i tira un bista den e area menshoná.
============================
          DESTRUKSHON
CPA a dirigí polis na Awakatistraat pa un kaso  di destrukshon.
Na e sitio, polis a papia ku e hòmber A, kende a deklará ku e tabata Koriendo den direkshon ost, riba Rondweg, ora ku diripiente el a skucha un sonido hopi duru i despues a sinti un dolor na su man drechi.
El a para pa mira ta kiko a pasa i aki el a mira ku deskonosínan a tira piedra riba su outo.
Dor di esaki e stürwil di su outo a haña un slá i su man a haña un rasku.
Polisnan a tuma detaye i a bai pa buska e tiradó(nan) di piedra den bisendario, pero no a topa ku niun hende.
E hòmber no kier a hasi denunsia, pero solamente pone polis na altura di e suseso.
CP a wòrdu poné na altura di e kaso.
============================