KOMUNIKADO DI KUERPO POLISIAL KÒRSOU Tiramentu ku herido

KOMUNIKADO DI KUERPO POLISIAL KÒRSOU
114 / 2017
9 aprel 2017
Tiramentu ku herido
Departamentu di Komunikashon i Prevenshon
KUERPO POLISIAL KÒRSOU SIRBI I PROTEHÁ

Djadumingu 9 di aprel 2017, alrededor di 04.24 or, sentral a dirigí un patruya na Saliña / Saliña Abou pa un kaso di tiramentu kaminda un grupo di hòmber tabata tira riba otro i ku probablemente tin víktima. E unidatnan polisial a bai ku urgensia na e sitio. For di un investigashon preliminar ku polis a realisá na e sitio polis nan a bin komprondé ku ya kaba algun persona lo a transportá un hòmber ku a haña herida di bala pa poliklínika. Na e sitio polisnan a topa ku manchanan di sanger i a haña i konfiská un kantidat di ‘huls’ i otro artíkulo ku ta di importansia pa e investigashon. Un ratu despues polis a haña informashon ku un hòmber a yega poliklínika di hospital Ku herida di bala na e banda drechi di su kustia i su man drechi. Investigashon den e kaso aki ta kontinuá pa haña sa kiko ta e motibu di e tiramentu i pa por detené e sospechoso(nan) den e kaso aki.