KIKO TA PASANDO

E uniko kaminda ku bo ta haña tur informashon kompletamente gratis. Klik anto lesa. Manda tur loke bo ke pa wordu publika i invitashon pa kubri rueda di prensa na e Email: kikotapasando@outlook.com

NOTISIA POLISIAL

KUERPO POLISUAL ARUBA KPA 10 Aprel 2017

PÈRSONA SOSPECHOSO.
CP a dirigí Patruya na Santa Cruz, pa un pèrsona sospechoso.
Na e sitio polis a papia ku e dama C, kende a deklará ku el a mira riba su sistema di kámara, un pèrsona deskonosí kanando den su kurá.
Na un dado momento e pèrsona a bai na e bakinan di sushi di e kas i a purba na bula ofer di e muraya di kurá.
E dama a hasi sonido pa asina spanta e pèrsona.
E pèrsona a skucha e sonido, pero no a bula bai pafó.
Despues di esaki e pèrsona a kana bai.
Croes a deskribí e pèrsona komo un hòmber kolor skúr, kende tabatin un kamisa pretu ku manga largu bistí i tambe un mùts pretu.
Polis a kore den bisendario, pero no a topa ku e pèrsona deskribí.
CP a wòrdu poné na altura di e kaso.
============================
   SITUASHON  SOSPECHOSO.
SCP a dirigí patruya na Sabana Basora, pa un situashon sospechoso.
Na e sitio, polis a papia ku e hòmber M, kende a deklará ku un ratu promé, e tabata hasiendo algu  patras den kurá di su kas.
Ora ku diripiente el a skucha su señora grit’é, pa e bin mira.
Su señora a bis’é ku un hòmber hoben kolor di kueru blanku, bistì ku un Tshirt blanku i un shòrt bruin, tabata pará dilanti porta, manera e kier a drenta den kas.
I dor ku el a habri e porta, pa mira kiko tabata pasando, e hoben deskonosí p’e a kore bai den direkshon ost i disparsé den skuridat.
Patruya a kontrolá den bisendario, pero no a topa ku ningún hende ku ta kuadra ku e diskripshonnan ey.
SCP a wòrdu poné na altura di e kaso.
============================
           TURISTA AGRESIVO
CP a dirigí patruya na botika Santa Anne, pa un notifikashon ku a drenta tokante un turista agresivo, ku tbt opviamente bou di influensia di droga.
Na e sitio a resultá ku ya e hòmber a bai.
Polis a papia ku e botikario, kende ta esun ku a atendé e hòmber turista.
El a deklará ku e hòmber di nòmber S, kier a kumpra remedi, ku un tarheta di krédito ku tabata na nòmber di su esposa.
Dor di esaki a lanta un konflikto na momentu di hasi kuenta.
E remedinan ku e kier a kumpra ta destiná o ta wòrdu uzá pa kura di abuzu di konsumo di droga.
E  botikario kier a fasilit’é un tablèt, pero e hòmber no tabata di akuerdo ku esaki i a bira hopi ferfelu.
Pa e motibu aki, e botikario a kibra e akuerdo i e hòmber a bai for di e sitio den un outo di hür.
Ta trata di un outo blanku.
Polis a sali en buska di dj’e.
I e kaso ta den mas investigashon.
============================

639114718427035"
639114718427035"