KIKO TA PASANDO

E uniko kaminda ku bo ta haña tur informashon kompletamente gratis. Klik anto lesa. Manda tur loke bo ke pa wordu publika i invitashon pa kubri rueda di prensa na e Email: kikotapasando@outlook.com

NOTISIA POLISIAL

Registrá i buska formulario di aksesibilidat pa marchanan di karnaval

KOMUNIKADO DI PRENSA 032/2024
23 yanüari 2024

Registrá i buska formulario di aksesibilidat pa marchanan di karnaval

Departamentu di Komunikashon i Prevenshon

KUERPO POLISIAL KÒRSOU SIRBI I PROTEHÁ
Fechanan riba kua e marchanan di Karnaval 2024 lo tuma lugá ta aserkando. Relashoná ku e marchanan di Karnaval, tin algun kaya ku ta keda riba e ruta di Karnaval ku lo no ta aksesibel pa vehíkulonan motorisá.
Den kuardo di e medidanan di tráfiko temporal ku lo keda tumá, Kuerpo Polisial ke anunsiá ku entrante djaluna 22 di yanüari te ku 07 febrüari 2024 entre 08.00’or i 20.00’or, a habri e posibilidat pa personanan ku ta traha, biba òf ku obligatoriamente mester move den e área di Otrobanda riba e dianan i orarionan ku e marchanan di Karnaval 2024 ta tumando lugá, por hasi un petishon pa por bini na remarke pa un formulario di aksesibilidat.
Proseso pa e habitante ku ta biba den e área di Karnaval ku ta será pa tráfiko
1. E persona ku ta biba den e área di Karnaval, mester pasa na warda di polis di Otrobanda i tuma un formulario di aksesibilidat i yena esaki;
2. Na momentu ku e trese formulario aki bèk na e warda enkestion, e mester presentá ku su tarheta di identifikashon, reibeweis bálido i resibu (komprobante) di sea banko, Aqualectra/ Selikor òf Flow, ku ta indiká ku e ta biba na e adrès. E nòmber i demas datonan riba e formulario mester kuadra ku esun riba e komprobante.
3. Un otro persona tambe por entregá e formulario pa su famia/konosí.
4. Despues di tres dia ku e siudadano a entregá su formulario korektamente yená, e por pasa tuma esaki bèk na e mesun warda ku firma i stèmpel.
Proseso pa e kompania/instansia ku ta traha den areá di karnaval ku ta será pa tráfiko
1. Un (1) representante di e kompania/instansia ta akudí na warda di polis di Otrobanda pa tuma formulario pa e personal di e kompania/instansia ku mester di esaki;
2. Kada representante di kada kompania/instansia ta risibí un (1) formulario i ta saka kopia pa e trahadónan ku riba e dianan i durante di e orarionan di marcha mester traha;
3. E representante ta trese e formularionan bèk yená i ku stèmpel di e kompania/instansia (na man drechi parti ariba), na warda di polis na Otrobanda. (tene kuenta ku e trahadó mester nota e number, marka i modèl di outo ku e ta usa riba e dianan ei);
4. Despues di tres (3) dia e representante di e kompania/instansia por pasa tuma e
formularionan di stèmpel i firmá dor di polis na warda di polis na Otrobanda.

Pa por garantisá ku no tin demasiado outo den e área di Karnaval, ta bai un súplika na sigur kompanianan/instansianan, pa duna únikamente trahadónan ku MESTER traha durante di e orarionan di Karnaval, un formulario di aksesibilidat.
Despues di 7 di febrüari 2024 NO ta entregá formulario mas!

 

639114718427035"
639114718427035"