Orashon djaluna 17 di aprel 2017

Orashon djaluna 17 di aprel 2017

E muhénan a bai purá for di e graf, yen di miedu, ma tòg hopi kontentu. Nan a kore bai konta su disipelnan kiko a pasa. Ma na kaminda, ata Hesus a bin kontra nan i a kumindá nan. E muhénan a hala serka djE, kohe su pia tene i a ador’É. E ora ei Hesus a bisa nan: ‘No tene miedu! Bai bisa mi rumannan ku nan mester bai Galilea; ei nan lo mira Mi.’ Miéntras e muhénan tabata na kaminda, algun di e sòldánan ku tabata tene warda, a bai siudat bèk i a konta e saserdotenan importante tur kos ku a pasa. Despues di a reuní ku e ansianonan i a traha un plan, nan a duna e sòldánan un bon kantidat di plaka i a bisa nan: ‘Bisa e hendenan ku ta su disipelnan a bai hòrta e kurpa den anochi, ora boso tabata na soño. Si e kos akí yega na orea di gobernador, nos lo drecha e asuntu kuné di tal manera ku boso lo no haña boso den problema.’ E sòldánan a tuma e sèn i a hasi manera a bisa nan. Asin’ei e kuenta a sigui plama entre e hudiunan te dia djawe.
Mateo 28:8‭-‬15