KOMUNIKADO DI KUERPO POLISIAL KÒRSOU Medidanan di seguridat, órden i órden públiko REKORDATORIO

KOMUNIKADO DI KUERPO POLISIAL KÒRSOU
126 / 2017
17 aprel 2017
Medidanan di seguridat, órden i órden públiko REKORDATORIO
Departamentu di Komunikashon i Prevenshon

KUERPO POLISIAL KÒRSOU SIRBI I PROTEHÁ

En konekshon ku e kaso ‘Magnus’ ku ta tuma lugá djarason 19 i djabièrnè 21 di aprel 2017 na stateis(Stadhuis), polis huntu ku outoridatnan kompetente a tuma e siguiente medidanan pa garantisá seguridat, órden i órden públiko tantu paden komo pafó di stateis promé, durante i despues di e kaso. For di den oranan trempan di mainta e siguiente medidanan di seguridat ta vigente:  Tin un kantidat limitá di lugá pa por presensiá e kaso aki;  Mester yega na ora pa por drenta. For di 08.00’or públiko limitá por drenta Stateis;  Mester presentá un identifikashon bálido. Preferibel sédula òf pasport pa por drenta;  No ta permití pa drenta ku telefòn. Pa miembronan di prensa tin eksepshon(ta partisipá reglanan adishonal stipulá den sala di korte pa e dia ei na tempu) ;  No ta permití pa drenta ku tas, por drenta ku yabi(outo) i ku identifikashon(sédula òf pasport) na man;  Ta prohibí pa graba (video i oudio) den sala di Korte;  Polis ta kontrolá tur hende ku drenta i sali den diferente forma;  Na momento ku bo identifiká bo mes ku sea sédula òf pasport, ta tuma e identifikashon i ta duna bo un pas ku kua bo por pasa bai paden. Na final bo mester debolbé e pas pa bo haña bo sédula òf pasport bèk;  No ta permití pa drenta bèk una bes ku bo sali for di e sala di Korte.  Na momento ku e kaso kuminsá no ta permití ningun hende mas drenta den e sala;  Mester bini ku paña adekuá bistí (no ku strèp ni slòf);  Mester sigui tur òrdu di polis mesora.

Polis ta súplika un i tur pa tuma bon nota di e medidanan aki.