ASISTENSIA MASAL NA ANOCHI DI INFORMASHON PA IMIGRANTE – MASSALE OPKOMST BIJ INFORMATIE AVOND VOOR IMMIGRANTEN

ASISTENSIA MASAL NA ANOCHI DI INFORMASHON PA IMIGRANTE

‘Mientras ku e kantidat di imigrante na Boneiru ta oumentá, nos sa masha tiki di e situashon den kua e imigrantenan ku tin biaha tin hopi aña ta biba riba nos isla ta anda.’ Resientemente e investigadó Gerjanne Voortman a presentá e resultadonan mas importante di e investigashon tokante e situashon di imigrantenan na Boneiru, ku el a kondusí riba enkargo di Projectbureau Integrale Wijkaanpak – Ofisina di Proyekto di Plan Integral di Bario, ku ta kai bou di Entidat Públiko Boneiru. 160 imigrante, mayoria di orígen latino, a yena e sala di Sentro di Bario Tera Kòrá. E anochi aki e presentashon tabata na spañó.

Aña pasá e antropólogo kultural a tene vários entrevista i un enkuesta amplio i a kompañá un trahadó di bario den su trabou, pa asina haña un bista den e problema- i prioridatnan segun e imigrantenan mes i segun e instansianan ku nan ta enbolbí kuné. E problemanan mas prinsipal ku a bini dilanti ta: falta di konosementu tokante derecho- i obligashonnan, barera di idioma i eksplotashon na trabou.

Ta evidente ku e problemanan aki ta relashoná ku otro, asina Voortman a splika, kende e imigrantenan ku ta papia spañó ta yama na su di dos nòmber: Marina. ‘Dor ku nan no ta na altura di e propio derecho- i obligashonnan, nan ta vulnerabel na nan trabou. Pa motibu ku nan no ta dominá hulandes òf papiamentu, nan no ta komprendé informashonnan útil ku ta bini di gobièrnu i nan no ta puntra mas aleu tokante situashonnan dudoso. Ta hopi importante pa tur habitante sa kiko ta nan derechonan komo trahadó, pero tambe kiko ta nan derecho komo suidadano í kiko nan propio responsabilidatnan ta.’

Den e investigashon a limitá e definishon di imigrante komo lo siguiente: habitantenan di Boneiru ku a nase pafó di reino hulandes, sin tene kuenta ku nan statùs legal òf e kantidat di aña ku nan ta kedando riba nos isla. E grupo aki ta forma un kuart di e populashon di Boneiru. E gruponan mas grandi dentro di e populashon aki ta: Dominikano-, Colombiano-, Benesolano- i Peruanonan. Bou di e imigrantenan na Boneiru tin hopi hende ta traha den horeka, limpiesa, konstrukshon òf komo doño di tienda. Un parti hopi grandi di nan ta empresario.

Remarkabel ta e ousensia di e kuart di populashon aki den funshonnan den gobièrnu i funshonnan ku ta duna servisio. Pa gran parti esaki tin di aber ku barera di idioma. Di e imigrantenan ku tin 10 aña òf mas riba nos isla, 53% ta indiká ku nan ta papia papiamentu i 9% ta papia hulandes. Spesialmente pa imigrantenan ku un estudio haltu e dominio di e idiomanan lokal por ta e yabi pa mihó chèns riba merkado laboral, ounke ku dominio di e idiomanan aki ta importante pa kada habitante nobo. ‘Por lo general imigrantenan ta hopi kompetente den solushoná nan mes problemanan i nan tin hopi talento empresarial, sinembargo e barera di idioma ta hasi nan dependiente,’ asina e antropólogo a splika.

Despues di e presentashon a sigui un diskushon hopi animá bou di guia di e Lider di Proyekto di Plan Integral di Bario, Max Suart. Miéntras ku e presentenan naturalmente tabatin gana di sa kon lo solushoná e problemanan, no por a suministrá e kontestanan riba e tereno ei. E investigashon a diagnostiká e problemanan i a duna rekomendashonnan pa mehorashon. Solushon ta eksigí koperashon di i entre e diferente instansianan di gobièrnu lokal i nashonal.

E propósito di e análisis tabata prinsipalmente pa investigá kon trabou hasí dor di estranheronan a desaroyá su mes den e periodo di 2011 pa 2016. Entidat Públiko Boneiru a laga hasi un investigashon orientativo di e situashon di imigrantenan na Boneiru. A base di e análisis di tendensia (trendanalyse) aki i e investigashon bou di imigrantenan lo deliberá mas aleu si mester adaptá e maneho tokante estranhero. Pa e motibu aki tambe lo ofresé e análisis di tendensia na e Entidatnan Públiko i otro organisashonnan enbolbí. Por haña e rapòrt di e unidat SZW di RCN riba www.rijksdienstcn.com/publicaties. E rapòrt di Entidat Públiko Boneiru por haña riba www.bonairegov.com i klek riba “downloads”.

Imigrantenan ku tin pregunta tokante nan derecho- i obligashonnan, òf mester di orientashon pa alkansá e instansia korekto, por akudi serka e trahadó di bario spesialisá di Ofisina di Proyekto di Plan Integral di Bario Raul Perez Gomez ( tel. 7171714 òf imeil: raul.perezgomez@bonairegov.com) . Pa haña sa mas di e investigashon tokante e situashon di imigrantenan na Boneiru, por akudí serka Max Suart (tel. 7171714 òf imeil: Max.suart@bonairegov.com)

NEDERLANDS:

MASSALE OPKOMST BIJ INFORMATIE AVOND VOOR IMMIGRANTEN

Kralendijk – “Terwijl het aantal immigranten op Bonaire toeneemt, weten we bijzonder weinig van de situatie waarin immigranten die soms al jarenlang op het eiland wonen zich begeven.” Onderzoekster Gerjanne Voortman presenteerde onlangs de belangrijkste resultaten van het onderzoek naar de situatie van immigranten op Bonaire, dat zij uitvoerde in opdracht van Projectbureau Integrale Wijkaanpak (onderdeel van OLB). De zaal in Buurtcentrum Tera Cora werd gevuld met 160 immigranten, voornamelijk met een Latijns-Amerikaanse achtergrond. De voertaal deze avond was Spaans.

De culturele antropologe nam het afgelopen jaar interviews af, voerde een uitgebreide enquête uit en liep mee met een wijkwerker, om inzicht te krijgen in de problemen en prioriteiten volgens de immigranten zelf en volgens de instanties waarmee zij te maken hebben. De voornaamste problemen die naar voren kwamen zijn: onwetendheid over rechten en plichten, taalbarrières en uitbuiting op de werkvloer.

Deze problemen zijn duidelijk met elkaar gerelateerd legt Voortman uit, die door de Spaanstalige immigranten bij haar tweede naam, Marina, wordt genoemd. “Doordat men niet op de hoogte is van de eigen rechten en plichten, is men kwetsbaar op de werkvloer. Doordat men het Nederlands of Papiaments niet beheerst, wordt nuttige informatie vanuit de overheid niet begrepen en doen mensen geen navraag over twijfelachtige situaties. Het is heel belangrijk dat inwoners weten wat hun rechten zijn als werknemer, maar ook wat hun rechten zijn als burger én wat hun eigen verantwoordelijkheden zijn.”

In dit onderzoek werd de definitie van immigrant afgebakend tot inwoners van Bonaire die geboren zijn buiten het Koninkrijk der Nederlanden, ongeacht hun legale status of jaren van verblijf op het eiland. Deze groep vormt samen een kwart van de bevolking van Bonaire. De grootste gemeenschappen binnen deze populatie zijn Dominicanen, Colombianen, Venezolanen en Peruanen.
Onder de immigranten op Bonaire werken veel mensen in de horeca, schoonmaak, bouw, of als winkelier. Een bijzonder hoog aandeel van hen is ondernemer.

Opvallend is de afwezigheid van deze kwart van de bevolking in overheids- en dienstverlenende functies. Dit heeft voor een groot deel te maken met taalbarrières. Van de immigranten die 10 jaar of langer op het eiland wonen, geeft 53% aan Papiaments te spreken en 9% Nederlands. Met name voor hogeropgeleide immigranten, kan beheersing van de taal de sleutel vormen voor betere kansen op de arbeidsmarkt. Al is beheersing van de lokale talen belangrijk voor elke nieuwe inwoner. “Immigranten zijn over het algemeen bijzonder zelfredzaam en ondernemend, taalbarrières maken hen echter afhankelijk,” legt de antropologe uit.

Na afloop van de presentatie volgde een levendige discussie onder leiding van Projectleider Integrale Wijkaanpak Max Suart. Terwijl de aanwezigen uiteraard graag wilden weten hoe de problemen nu opgelost zullen worden, moesten antwoorden op dat vlak grotendeels uitblijven. De diagnose is door dit onderzoek gesteld en aanbevelingen voor verbeteringen zijn gegeven. Oplossingen vereisen medewerking van-, en samenwerking onder de verschillende nationale en lokale overheidsinstanties.

De insteek van de analyse was vooral om te onderzoeken hoe arbeid door vreemdelingen zich in de periode 2011-2016 heeft ontwikkeld. Het OLB heeft een oriënterend onderzoek naar de situatie van immigranten op Bonaire laten uitvoeren. Op basis van deze trendanalyse en het onderzoek onder immigranten zal verder worden gesproken of het beleid rondom vreemdelingen moet worden aangepast. De trendanalyse zal daarom ook worden aangeboden aan de Openbare Lichamen en andere betrokken organisaties Het rapport van de RCN-unit SZW kunt u terugvinden op www.rijksdienstcn.com/publicaties. Het rapport van het OLB kunt u terugvinden op www.bonairegov.com onder downloads.

Immigranten die vragen hebben over hun rechten en plichten, of oriëntatie nodig hebben bij het bereiken van de juiste instantie, kunnen terecht bij de gespecialiseerde wijkwerker van Projectbureau Integrale Wijkaanpak Raul Perez Gomez ( tel. 7171714 of email raul.perezgomez@bonairegov.com) . Voor inzicht in het onderzoek naar de situatie van immigranten op Bonaire, kunt u terecht bij Max Suart (tel. 7171714 of e-mail. Max.suart@bonairegov.com)

Advertisements

This site uses Akismet to reduce spam. Learn how your comment data is processed.

error: Content is protected !!
%d bloggers like this: