SDKK – Sentro di Detenshon i Korekshon Kòrsou Trayekto di Mental Health Gym pa klientenan di SDKK – Sentro di Detenshon i Korekshon Kòrsou .

Durante dos luna ku a pasa, SDKK den koperashon ku PSI-Skuchami i trainer personal sr.Bertier Magdalena, a inisia Mental Health Gym pa klientenan di diferente blòk na SDKK.

Un intervenshon ku nos por bisa ku sigur tabata Éxitoso.E meta ku nos a inisia e programa aki ta pa konsientisá e klientenan ku Gym no solamente pa fòcus riba e parti Fìsìko pero ta un kombinashon ku e parti Mental tambe.

Dor di hasi diferente ehersisio den grupo i siña perseverá, klientenan a siña manehá miho ku strès,emoshonan i frustrashonan (kaba un tarea maske kon duru esaki ta mustra).

Klientenan a duna di konose ku nan a mira i sinti e diferensia komparando ku solamente bai train den gym. Tambe e Mental Gym ta enfoká pa traha den grupo i tambe komuniká ku otro kreando konfiansa bou di e grupo di klientenan.

Nos ta hopi satisfecho ku e resultado di e programa i nos ta kere firmemente den e balor agregá den e tipo di intervenshonan aki pa nos klientenan. Pa krea un mentalidat mas salù, mas fuerte i positivo.

Team di korekshon SDKK