Parlamento di Kòrsou a deliberá ku Minister Presidente pa fiha posishon di Parlamento riba konseho spontáneo di ‘Raad van State’ di òktober 2024 riba 70 aña di Statüt di Reino.

A kuminsá e reunion ku tratamentu di e promé punto, “Dokumentonan ku a drenta”, Presidente di Parlamento, sr. Fergino Brownbill, a siguí pa e di dos punto di agènda, ku ta aprobashon di nótulonan di reunionnan públiko di Parlamento, ku Miembronan di Parlamento a aprobá.

Seguidamente, a trata e di tres punto di agènda: Deliberashon ku Minister Presidente pa fiha posishon di Parlamento riba konseho spontáneo di ‘Raad van State’ di òktober 2024 riba 70 aña di Statüt di Reino.

Presidente di Parlamento a habrí e úniko tanda pa Miembronan di Parlamento por hasi nan disertashon i preguntanan na Minister Presidente, sr. Gilmar Pisas.

Despues ku Presidente di Parlamento, a skòrs e reunion pa algun ratu pa Minister President sr. Gilmar Pisas, prepará e kontestanan di e preguntanan ku a keda hasí, e titular a regresá sala di Parlamento pa kontestá.

Na final, Parlamento di Kòrsou, a fiha un posishon kon Parlamento lo funshoná i atendé den Reino. Parlamento lo publiká e posishon di Parlamento djamars 17 di febrüari 2026.