KUERPO POLISIAL KÒRSOU 

KOMUNIKADO DI PRENSA

179/2026 15 yüni 2026 

 

Detenshon relashoná ku kaso di matrato i menasa 

 

Djasabra 13 di yüni 2026 alrededor di 23.30’or, Sentral di Polis a risibí informashon di un  kaso di bringamentu den Juliana van Stolberglaan. 

Mesora a dirigí polis na e sitio i e promé unidat ku a yega a topa ku ámbos hòmber  maltratá. 

Kontinuando ku e investigashon a sali na kla ku un problema entre bisiña a terminá den  menasa i maltrato ku un pata di kabra. 

Debí na esaki un di e hòmbernan aki a keda heridá na altura di su dede. 

Na e sitio polis a detené e hòmbernan H.C.W. di 53 aña di edat i R.J.B. di 42 aña di edat  ámbos nasé na Kòrsou, relashoná ku e kaso ariba menshoná.  

A konfiská e pata di kabra pa mas investigashon. 

A presentá e sospechosonan dilanti di un fiskal ouksliliar ku a ordená nan enkarselamentu  pendiente di mas investigashon.