Detenshon pa kaso di hinkamentu.

KOMUNIKADO DI PRENSA 118/ 2020
21 mart 2020
Detenshon pa kaso di hinkamentu.
Departamentu di Komunikashon i Prevenshon
KUERPO POLISIAL KÒRSOU SIRBI I PROTEHÁ
Djabièrnè 20 di mart 2020, alrededor di 21.00’or, Sentral di Polis a risibí notifikashon
ku den área di rotònde di Palu Blanku tin un dama ku ta pidi yudansa.
Na monentu ku e unidat polisial a yega den e área nan a topa ku un dama ku un
hinká na su brasa ku tabata sangra profusamente.
For di un investigashon preliminar ku polis a hasi na e sitio a resultá ku e dama aki
tabatin diskushon ku su partner ku a terminá den un hinkamentu.
Ambulans ku a presentá na e sitio a transportá e dama pa departamentu di
emergensia di CMC pa tratamentu mèdiko.
Na e sitio polis a detené e partner di e dama, e hòmber L.E.C.R. nasé na Colombia di
53 aña di edat, relashoná ku e kaso di hinkamentu.
A presentá e sospechoso dilanti un Fiskal Ouksiliar ku a ordená su enkarselamentu
pendiente di mas investigashon.

 

This site uses Akismet to reduce spam. Learn how your comment data is processed.

error: Content is protected !!
%d bloggers like this: