Parlamento di Kòrsou Ora di pregunta (vragenuur) den Parlamento ku e tópiko “Krisís di oumento di 73% di muchanan ku ta sigui enseñansa spesial”.

Djaweps, 30 di aprel 2026, Minister di Enseñansa, Siensia, Kultura i Deporte, sr. Sithree van Heydoorn, a presentá den sala di Parlamento di Kòrsou pa kontestá preguntanan relashoná ku e tópiko Krisís di oumento di 73% di muchanan ku ta sigui enseñansa spesial”. E petishon pa e Ora di Pregunta aki a keda hasí dor di Miembro di Parlamento, sra. Giselle Mc William.

E enkuentro a kuminsá ku e preguntanan formulá dor di sra. Giselle Mc William, siguidamente e Minister a duna kontesta riba esakinan. Despues di esaki, Presidente di Parlamento, sr. Fergino Brownbill, a duna oportunidat na e Miembronan di Parlamento pa hasi pregunta adishonal na e mandatario riba e tópiko menshoná.

Na final di e kontestanan, Presidente di Parlamento a sera e enkuentro.