Klientenan di MCB Online Banking por paga online pa servisio na UOVV
Klientenan di MCB Online Banking por paga online pa servisio na UOVV
Geplaatst op 11 February 2021 dor di Ministerio Tráfiko, Transporte i Planifikashon Urbano
WILLEMSTAD – Servisio di Tráfiko i Transporte (UOVV) ta informá ku entrante djamars 16 febrüari 2021, aparte ku bo por swipe, awor klientenan di MCB por hasi uso di online-banking tambe pa paga pa kùr i hasi transferensia di doño di vehíkulo. E kliente ta djis subi nan ‘online-banking’ i skohe e ‘biller’ UOVV.
Pago hasí via ‘online-banking’ ta pasa direktamente pa e sistema outomatisá di e servisio. Esnan ku no por paga online, por swipe manera ya kaba ta e kaso.
Te ku awor e servisio aki ta keda brindá via di e plataforma di MCB Bank, pero pronto lo amplia esaki pa e otro bankonan lokal. Servisionan pa transporte públiko si mester swipe direktamente na e lokalidat na Parera.
Minister di VVRP, Zita Jesus Leito i Servisio di Tráfiko i Transporte ta satisfecho ku e logro akí i ta hasi un apelashon na komunidat pa hasi uso di e servisio akí, kual lo redusí e tempu di espera enormemente.

