Partido Nashonal di Pueblo su plan inovativo pa un miho Korsou, esta “Social Impact Bond”

Partido Nashonal di Pueblo (PNP) su plan inovativo pa un mihó Kòrsou.

Willemstad – PNP ke introdusí un konsepto òf instrumènt nobo kual lo por bai yuda e likides di gobièrnu pa solushoná problemanan sosial na Kòrsou.
E konsepto aki yama “Social Impact Bond”. E konsepto aki ta un instrumento finansiero inovativo den kual ta hasi uso di kapital priva (no di gobièrnu ) pa invertí den solushon di problemanan sosial kual lo tin un Impakto grandi riba komunidat manera entre otro: krea kupo di trabou, konstruí kas pa pueblo, kombatí kriminalidat.
“Social Impact bond” ta basa riba e filosofia di Public Private Partnership.
Manera ta konosí tur aña di nobo nos gobièrnu mester tene kuenta ku su presupuesto ku un entrada ku ta baha pa motibu di un ekonomia stagna. Pues gobièrnu su poder finansiero ta limitá. Pero na otro banda e problemanan sosial ta sigui krese. Pa solushoná e situashon aki PNP ta di opinion ku mester introdusí e konsepto i instrumento aki.
Kon e Social Impact bonds ta funshoná:
1. Gobièrnu ta rekonosé i definí un problema òf desafio sosial den nos komunidat;
2. Gobièrnu òf un kompania priva ta sali dilanti i ta ofresé un solushon pa e problema aki;
3. Un grupo di invershonista sea lokal òf internashonal ta dispuesto pa finansiá e proyekto aki;
4. Gobièrnu ta apuntá un project manager kual su funshon lo ta di trese e gruponan huntu esta : gobièrnu, e kompania ku tin e plan i e invershonista. E project manager ta fungi komo e kontroladó di e ehekushon di e trabou, i ta establesé di adelantá e metanan ku e resultado di e proyekto mester kumpli kuné. Tambe lo e manehá e fondo nan di e proyekto;
5. Huntu ta apuntá tambe un kompania ku ta bai fungi komo un kontroladó independiente pa wak si e resultado di e proyekto ta konforme e plan palabra.
6. Si e resultado di e proyekto ta konforme e aprobashon di e kontroladó independiente, e ora ei Gobièrnu ta kuminsá paga e project manager, na kual turno ta paga e invershonistanan. Kier men gobièrnu su fondonan No ta bai den un bari sin fondo, ta solamente si e proyekto ta konforme e resultadonan gobièrnu ta paga bek na e project manager i e invershonista nan.
Kiko ta bentaha di e uso di “social impact bonds”:
1. Riba un forma efisiente i cost effective un problema sosial den komunidat ta wòrdu solushoná
2. Gobièrnu ta logra solushoná problemanan sosial den un forma organisá i likides ta wòrdu usa den un forma transparente i efisiente
3. E invershonista sea lokal òf internashonal ta haña un interes garantisá riba su kapital kual a wòrdu fia na e proyekto.

This site uses Akismet to reduce spam. Learn how your comment data is processed.

error: Content is protected !!
%d bloggers like this: