KOMUNIKADO DI KUERPO POLISIAL KÒRSOU Un detenshon pa kasonan di ladronisia ku violensia
KOMUNIKADO DI KUERPO POLISIAL KÒRSOU
132 / 2017
20 aprel 2017
Un detenshon pa kasonan di ladronisia ku violensia
KUERPO POLISIAL KÒRSOU SIRBI I PROTEHÁ
Djaweps 20 di aprel 2017, alrededor di 15 or, personal di e Tim di Atrako konhuntamente ku Divishon di Krímen Organisá i Tim di Aresto a tene un entrada hudisial na un kas den Kaya Neblina (Seru Papaya), kaminda a detené un (1) hòmber sospechoso. E hòmber sospechoso aki, F.F.L. nasé na Kòrsou di 23 aña di edat, ta sospechá di un òf mas kaso di ladronisia ku violensia ku a keda kometé resientemente. Durante investigashon na e kas menshoná, Polis a konfiská un kantidat di artíkulo ku ta importante pa e investigashon. A presentá e sospechoso F.F.L. dilanti un fiskal ouksiliar ku a ordená su enkarselashon pendiente mas investigashon. E investigashon den e kaso aki ta kontinuá
