Digicel ta invitabo pasa na e stènt di Special Olympics djaweps awor den Punda: Yuda Special Olympics Curaçao rekoudá fondo pa nan partisipashon na weganan olímpiko na yüni próksimo

Digicel ta invitabo pasa na e stènt di Special Olympics djaweps awor den Punda: Yuda Special Olympics Curaçao rekoudá fondo pa nan partisipashon na weganan olímpiko na yüni próksimo

WILLEMSTAD; Digicel Kòrsou su aporte na atletanan di Special Olympics ta kontinuo no únikamente na Kòrsou sino den kasi tur merkado na unda e ta operá. E atletanan di Special Olympics semper a forma parti di e aktividatnan, kampañanan i trabounan komunitario di Digicel. E aña aki un bes mas Digicel i Special Olympics Curaçao ta partner pa un akshon na unda ku lo rekoudá fondo pa partisipashon di Kòrsou na e weganan olímpiko ku próksimamente ta tuma lugá. Pueblo di Kòrsou ta keda invitá pa dia 27 di aprel próksimo partisipá na e rekoudashon di fondo na plenchi Wilhelmina durante di e marshe riba Dia di Rei den Punda i kumpra un boton spesial na e stènt di Special Olympics.

Dor di sostené Special Olympics, Digicel ta yuda hóbennan ku difikultat físiko partisipá, kompetí i gana den deporte riba nivel internashonal”, segun Jorge Cuartas, Marketing Manager Digicel Kòrsou. “Dia di Rei, ta pa komunidat selebrá. Dor di sostené e kousa nos por dibertí i konsientisá komunidat di e kurashi inmenso di e atletanan spesial.” Durante di e akshon riba Dia di Rei lo bende 3 diferente tipo di boton, kada un ku un mensahe di inspirashon kreá dor di e propio tim di Special Olympics Curaçao. Djaweps awó dia 27 di aprel un tim kombiná di empleadonan di Digicel Kòrsou i atletanan spesial lo purba bende mas tantu boton ku ta posibel i asina rekoudá fondo pa representashon di Kòrsou na Special Olympics Summer Games dianan 10 i 11 di yüni na Southern California. Kada boton ta kosta 2 florin.

This site uses Akismet to reduce spam. Learn how your comment data is processed.

Contact us



Connecting...
created by TelegramWordpress.com
error: Content is protected !!
%d bloggers like this: