KOMUNIKADO DI KUERPO POLISIAL ARUBA 23 APRIL 2017

CHOKE
CP a dirigi patruya na e retòndu na altura di “Marriot Hotel”, pa un choke.
Na e sitio, polis a topa ku un vehíkulo, kolor kòrá di e marka Ford, modèl F-350, numerá A- 17799, ku tabata pará parsialmente riba asera.
Tabatin daño na e retòndu. E banda robes na parti dilanti di e vehíkulo tabatin hopi daño.
E shòfùr di e vehíkulo numerá A- 17799, tabatin wowonan kòrá, tabata papia ku lenga pisá, tabata hole bebida alkohóliko i no por a para stabíl .
Pa e motibunan aki a detené e hòmber riba 23 di Aprel 2017, alrededor di 03:40, pa violashon di artíkulo 5 di LWV.
E sospechoso a wòrdu hibá inmediatamente na warda di polis Shaba.
Pa mas o menos 04:05, a presenté dilante HOvJ.
================================
VIOLASHON DI LEY DI ARMA
Durante patruyahe, polisnan a mira ku un hòmber a hasi un maniobra straño ku un tas kolor kòrá i a laga un sorto di sustansia kai for di dj’e ku tabata parse konfèti.
Mas despues, e hòmber ku despues a resultá di ta G.M.Perez, a kuminsá hasi beheit i kuminsa kana ariba/bou di asera pa kaminda.
Polis a mira ku Perez tabata para instabil.
I a lanta e sospecho fuerte ku Perez lo ta bou di influensia di un of otro narkótiko.
Perez a wòrdu pará na altura di Rock Café i Perez a koperá.
Polis a puntra Perez si e tabatin un ke otro sustansia huntu kun’é.
Riba e pregunta aki, Perez a kontestá ku e tabatin un pipa huntu kun’é.
I a deklará na polis ku e lo tira e pipa abou i destrui’é.
I asina el a hasi tambe.
Polis a bis’é ku lo bai listr’é.
Perez a mustra komprenshon i a koperá.
Polis a topa den e saku di karson parti patras na banda robes, un skrúfdrai, marka “Phillips” kuá tabatin un kabu oraño.
Ora polis a deskubrí e skrúfdrai, Perez a indiká ku e lo tabatin un kuchú tambe den su bant di karson.
I enbèrdat polis a topa ku un kuchú kabu pretu.
Dor di esaki a detené Perez, riba 23 di Aprel 2017,,alrededor di 03:05 pa violashon di artíkulo 1
================================
INTERMEDIASHON
CP a dirigí patruya na Olde Molen pa un dama molestoso, ku lo tabata buska problema ku e vigilante di e lokalidat menshoná.
Na e sitio, polis a papia ku e vigilante, e dama M, kende a deklará ku un dama bistí na un trahe marón klá i plata a bira ònbeskòp ora a ningu’é entrada, pa motibu ku e tabatin un bòter di serbes den su man.
Polis no a topa ku e dama .
E vigilante Maria a keda di yama bèk den kaso ku e dama regresá.
CP a wòrdu poné na altura di e kaso.
===============================
VIOLASHON ORARIO DI SERA
CP a dirigí patruya na Bar-a- Bar en konekshon ku violashon di orario di sera.
Na e sitio, polis a bin topa ku mas o menos 20 vehíkulo stashoná riba e parkerplats di e Bar menshoná.
A buska refuerso pa por sera e Bar.
2 Patruya di distrikto 2 a yega na e sitio.
E kabesante di e Bar menshoná a aserká polis.
El a deklará ku 03:00, nan a sera i ku na e momentu aki, el a bolbe habri pa motibu ku e tin pèrmit di restaurant.
Polis a puntra pa e pèrmit.
El a bai paden i a regresá ku e pèrmit.
I enbèrdat a resultá ku e tabatin un pèrmit di “koffiehuis i restaurant”
CP a wòrdu poné na altura di e kaso
Promé ku polis a baha warda, e unidat di warda di anochi a konta ku durante oranan di anochi, e Bar a keda será en konekshon ku orario di será.
================================
INTERMEDIASHON.
Via telefòn a drenta notifikashon pa por intermediá den un kaso na Sero Pela.
Na e sitio, polis a papia ku P, kende a deklará ku su señora lo a hasi denunsia riba 22 di Aprel 2017, tokante ladronisia di 3 pitbull di nan.
Segun P, el a sigui e markanan di pia for di su kas te na un kas na Seru Pela.
E tabatin sospecho ku e kachónan tabata den e kas menshoná
Polis a papia ku e habitante di e kas, e dama S,kende a deklará ku enbèrdat nan a kumpra un pitbull serka un tal Robert pa 400,-.
Un tal ” T Flanegin” a manda un mensahe via whatsapp ku lo e ke bend’é dicho kachó.
E doño di e kachó,P, a rekonosé e pitbull, komo esun di dje.
E tabatin potrèt riba su telefòn ku tabata konfirmá esaki.
S a entregá P e kachó boluntariamente.
E 2 otro kachónan, segun P, tabata aparentemente den un otro kas situá na Lucerostraat.
Patruya di Oranje Stad lo atendé mas aleu ku e asistensia ey.
CP a wòrdu poné na altura di e kaso.
================================
LADRONISIA
CP a dirigí patruya na Lucerostraat pa un pitbul ku lo ta hòrtá.
Polis a papia ku e hòmber P, kende a deklará ku algun dia promé, deskonosínan lo a hòrta 3 pùpi di pitbul for di su kas, i ku e lo a haña 1 di e pùpinan na un kas na Sero Pela i ku e dama lo a bis’é ku e otro pùpinan lo tabata na e adrès ey.
Polis a papia ku e hòmber DT, kende a deklará ku e kachó ku e tin, lo ta unu bieu ku tin solamdnte 3 pata i ku e no tin pùpi di pitbul.
DT a laga polis mira padén i rondó di e kas.
Polis no a topa ku ningún pùpi di pitbul.
SCP a wòrdu poné na altura di e kaso.
===============================
LADRONISIA DI PÙPI.
CP a dirigí patruya na Polyrama.
Na e sitio, polis a papia ku e hòmber P, kende a deklará ku el a haña un tép, unda su pùpinan ku a wòrdu hòrtá lo ta.
P a duna polis e direkshon Seru Patrishi.
Na e sitio, polis a kontrolá e kas.
P a mustra polis , potrèt di e pùpinan.
I esnan na Sero Patrishi, no tabata e pùpinan di P.
CP a wòrdu poné na altura di e kaso.
================================