​GOBIERNU DI KORSOU TA INFORMA KU INSELAIR NO A MANDA E LISTA DI TRAHADORNAN KU MESTER KOBRA NAN SALARIO

GOBIERNU DI KORSOU TA INFORMA KU INSELAIR NO A MANDA E LISTA DI TRAHADORNAN KU MESTER KOBRA NAN SALARIO

Willemstad – Gobièrnu di Kòrsou ta informá ku Inselair a aserka Gobièrno ku e petishon pa haña parti di e 6 tranche di e fiansa ku e Gobièrno di Gabinete Koeiman a akordá ku nan Gobièrnu di Kòrsou ta informá ku mirando ku e fiansa aki a ser otorgá, entre otro pa garantisá kuponan di trabou, i ku realmente den ehekushon esaki no a tuma lugá, pa tuma den Konseho di Minister e siguiente desishon.

Pa garantisá ku e trahadornan ta haña pago di nan salario, Gobièrnu a pidi CFO di Inselair pa entregá un lista di e trahadornan i e suma di salario ku nan lo mester kobra, pa asina na momentu ku Gobièrno haña e lista en kuestion por manda e montante espesifiko aki pa garantisá pago di salario na e trahadornan.

Gobièrnu ta informá ku te na e momentunan aki Gobièrnu no a haña e lista aki, kual lo mester tabata un tarea fasil pa produsí di parti Inselair for di sistema atministrativo di salario den oranan tempran di mainta, pa asina por garantisa ku lo por pasa e montante pa Inselair awe mainta mes.

Mirando e orario awor aki i e echo ku bankonan tambe lo ta será mitar día awe lamentablemente di parti Gobièrnu di Kòrsou lo mester konkluí ku e pago lo no por pasa pa awe ainda.

Gobierno ta lamentá ku e asunto aki no a ser trata ku e diligensha nesesario dor di direktiva di Inselair