KOMUNIKADO DI KUERPO POLISIAL KÒRSOU Dos Hòmber heridá ta yega Poli

KOMUNIKADO DI KUERPO POLISIAL KÒRSOU
137 / 2017
29 aprel 2017
Dos Hòmber heridá ta yega Poli
Departamentu di Komunikashon i Prevenshon

KUERPO POLISIAL KÒRSOU SIRBI I PROTEHÁ

Djasabra 29 di aprel 2017, alrededor di 14.23’or sentral a dirigí un patruya pa Poliklínika di SEHOS kaminda dos (2) hòmber a yega ku herida di bala. E patruya ku a yega Poli a topa en bèrdat ku dos (2) hòmber ku herida di bala, respektivamente di 26 i 18 aña, un ku herida di bala na su pia robes i e otro na lomba i parti abou di su kurpa. E shofùr i un di e víktimanan a deklará na polis ku nan tabata kore riba Hugenholtszweg na altura di Rotterdam. Dado momentu nan a mira un hòmber para kantu di un outo i na momentu ku nan a pasa e hòmber aki a lòs algun tiru dirigí riba nan, ku e resultado ariba menshoná. Despues di su akto e hòmber sospechoso aki a drenta den e outo i persiguié nan. Nan a kore bai poli. Sentral a dirigí tim di reshèrshi i e tim Forense na Poli. Polis a konfiská e outo ku e víktimanan tabata aden. Polis ta investigando e kaso aki.

This site uses Akismet to reduce spam. Learn how your comment data is processed.

error: Content is protected !!
%d bloggers like this: