Pronóstiko di tempu pa Kòrsou i bisindario bálido te djaluna mainta 06:00 o.l., 1 di mei 2017

Pronóstiko
Pronóstiko di tempu pa Kòrsou i bisindario bálido te djaluna mainta 06:00 o.l., 1 di mei 2017.
Kompilá: Djadumingu 30 di aprel 2017, 05:00 o.l. (09:00 UTC)
KÓDIGO HEL: PREKOUSHON PA LAMAN BASTANTE BRUTU.
Tempu: Lévemente te parsialmente nublá i nos wer lo keda generalmente seku awe. Mañan mardugá por kai lokalmente algu di áwaseru di durashon kòrtiku.
Temperatura máksimo lo alkansá 32ºC i temperatura mínimo 27ºC.
Solo ta sali 06:16 i ta baha 18:50 o.l.
Bientu: For di direkshon generalmente ost i moderá te basta fuerte; 4 te 5 (20 te 39 km/ora, 11 te 21 nudo). Prinsipalmente den dia, de bes en kuando fuerte te duru den ráfaga; forsa 6 te 7 (40 te 61 km/ora, 22 te 33 nudo).
Situashon general: Diferensha den preshon di aire den Área di Karibe awe ketu bai lo ta bastante grandi i p’esei un bientu fuerte lo sigui supla den nos region. Wer seku lo sigui prevalesé, ounke ku lokalmente awa por finfin un ratu awe mainta. Ta antisipá ku mañan mardugá por kai un òf mas áwaseru di durashon kòrtiku na momentu ku algun nubia un tiki mas diki forma i pasa riba nos isla. 
Kondishon di laman: Moderá te lokalmente bastante brutu ku altura di olanan entre di 1.5  i 2.5 meter (5 te 8 pia). Pa motibu di e kondishonnan aki ta konsehá okupantenan di boto chikí i landadónan pa ta kouteloso (Kódigo Hel) i no bai leu for di kantu. 
Fenómeno spesial: Ningun.
Perspektiva te djamars mainta: Gradualmente mas nubia i ku algu ménos di bientu, miéntras ku posibilidat pa algun áwaseru lokal ta oumentá.
Meteorólogo: Capello.
E próksimo boletin di tempu lo wòrdu publiká djadumingu 11:00 o.l. (15:00 UTC).

Advertisements

This site uses Akismet to reduce spam. Learn how your comment data is processed.

error: Content is protected !!
%d bloggers like this: